Prishtinë- Lëvizja Vetëvendosje bojkotoi seancën e jashtëzakonshme në Kuvend, të thirrur nga opozita, lidhur me audio-përgjimin që shfaq bisedat telefonike mes Mimoza Kusari Lilës dhe Milan Radoiçiçit, ky i fundit në kërkim për sulmin terrorist të 24 Shtatorit të kaluar në Banjskë.
Me kërkesë të PDK, Parlamenti i Kosovës zhvilloi këtë të premte (11 Tetor) seancën e jashtëzakonshme, me fokus akuzat ndaj kryetares së grupit parlamentar Vetëvendosje, Mimoza Kusari Lila, për pazare me ish-nënkryetarin e Listës Serbe, Milan Radoiçiç.
Pavarësisht se Lëvizja Vetëvendosje nuk ishte e pranishme, opozita vazhdoi qëllimin e seancës së thirrur.
Kryetari i grupit parlamentar të Partisë Demokratike të Kosovës, Abelard Tahiri, nga foltorja e Kuvendit tha se duhet të ketë hetime lidhur me influencën e Radoiçiç në pushtetin legjislativ, për të kuptuar nëse janë marrë apo jo, vendime të imponuara nga ai.
Tahiri i bëri thirrje prokurorisë së Shtetit për të hetuar bashkëpunimin mes shefes së deputetëve të Vetëvendosjes dhe organizatorit të sulmit në Banjskë, Radoiçiç.
“Duhet të shihet se deri ku ka mbërri vendimmarrja e shtyrë nga Milan Radoiçiç. Unë i kërkoj sot prokurorit të shtetit që të ketë një hetim penal për këtë çështje. BIA serbe na ka depërtuar deri në Gjykatë Kushtetuese. Nuk jemi cenuar asnjëherë më shumë se kësaj here”, u shpreh Tahiri ndër të tjera.
Kurse ish-kryeministri Ramush Haradinaj, njëkohësisht kryetar i AAK-së, tha se komunikimet mes kryetares së grupit parlamentar të Vetënvendosjes dhe Radoiçiç janë bërë me porosi të Kurtit.
“Dyfytyrësia e Kurtit! Kusari-Lila nuk e ka bërë atë detyrë në kokën e vet, e ka bërë të dhënë nga Kurti. Ai duhej të dilte publikisht dhe të tregonte që zonja Kusari-Lila nuk ka bërë gjë në kokën e vet, por është detyrë e imja”, tha Haradinaj.
Shkak i seancës së jashtëzakonshme në Kosovë këtë të premte ishte një audio-përgjim i publikuar në mediat online, përmes të cilit pretendohet komunikimi telefonik mes kryetares së grupit parlamentar të Vetëvendosjes dhe Radoiçiç.
Mimoza Kusari-Lila në Kuvend dhe Milan Radoiçiç, në kërkim
Lajme të tjera
-
Ministrja e Kurtit sulmon Ramën pas fjalimit në Kuvend! I përvishen shqiptarët e Kosovës: Si nuk ke turp?!
21 Dhjetor, 09:56 -
Ambasadori Hovenier: Agjentë të FBI-së janë angazhuar në hetime, pas sulmit në kanalin e Ibër-Lepencit
20 Dhjetor, 21:20 -
Veton Surroi: Fjalimi që kryeministri i Kosovës nuk duhet ta mbajë në Tiranë më 2025
20 Dhjetor, 20:29
-
Armenia njeh pasaportat e Kosovës
20 Dhjetor, 19:12 -
Mbledhja e Kuvendeve Kosovë-Shqipëri, Kreshnik Çollaku: Ngjarje pozitive! Rama provokoi, bëri fushatë kundër Kurtit
20 Dhjetor, 17:44 -
U zbulua në Rinas, ilaçi për ftohje a po trafikohet për të përzierë drogën?
20 Dhjetor, 17:25
-
Deklarata e përbashkët e Kuvendeve Kosovë-Shqipëri: Dënohen sulmet në veri, thirrje Serbisë t’i dorëzojë autorët
20 Dhjetor, 16:58 -
Prokuroria Speciale e thërret për herë të dytë kryeministrin Albin Kurti për dëshmi
20 Dhjetor, 15:31 -
Rama e Kurti shkëmbejnë mesazh me letër në Kuvendin e Prishtinës, 6 minuta takim kokë më kokë! Report Tv zbulon çfarë ndodhi pas kamerave
20 Dhjetor, 13:47 -
Berisha sulmon Dumanin dhe del kundër SHBA: E ka vendin në burg, amnistoi krimet elektorale, s'mund t'i zgjatet mandati! Merr 100 mln lekë në vit, mercenar i partisë
20 Dhjetor, 13:04 -
VanHorn takohet me deputetët Shehi, Alibeaj e Shehaj, shqetësime për zgjedhjet e 2025! LZHK: Takimi i dy Kuvendeve, pozitiv nëse s’është për qëllime elektorale
20 Dhjetor, 12:44 -
Kosova në 13 vite humbet 12% të popullsisë
20 Dhjetor, 11:25
