Pas bisedimeve disaditore Prishtina njoftoi se është arritur një marrëveshje, kurse Beogradi e hodhi poshtë këtë njoftim.
Të premten në mbrëmje u deklarua se u arrit një rezultat. Ndërmjetësuesi i BE-së Robert Cooper, bëri të ditur se është rënë dakord, që pikat e diskutueshme të kufirit të administrohen .
Pak orë më vonë, përfaqësuesi serb në bisedimet e Brukselit, Borislav Stefanovic u shpreh për agjencinë serbe të lajmeve Tanjug se "megjithë përpjekjet e bëra nuk është arritur ende marrëveshje." Megjithatë ai është i gatshëm, të vazhdojë bisedimet ditën e shtunë.
Sipas të dhënave të drejtueses shqiptare të delegacionit që merr pjesë në bisedime, Edita Tahiri, është rënë dakord që policia e BE-së dhe misioni EULEX të vëzhgojnë respektimin e kompromisit. Prej muajsh veriu i Kosovës është kthyer në arenë armiqësish midis shqiptarëve të Kosovës dhe pakicës serbe, që jeton sot në territoret kosovare. Serbia nuk e njeh shtetin e Kosovës, i cili si provincë jugore ka qenë më parë pjesë e Begradit, dhe nuk pranon që në pikat kufitare të vendosen postat e kontrollit kufitar midis dy shteteve.
![](https://www.shqiptarja.com/template/img/sh_logo1.png)