POP 5

Lajmet më të lexuara të 5 minutave të fundit

Kosova & Rajoni

Kosovë/ Sulmi në Banjskë, nis gjyqi ndaj 45 të akuzuarve! Vetëm 3 të pranishëm, 42 të tjerë në arrati

Këtë të mërkurë u zhvillua procesi gjyqësor kundër 45 të akuzuarve për përfshirje në sulmin e Banjskës më 24 shtator 2023. Prokurori i çështjes u njoftoi akuzat 3 të pandehurve që ndodheshin në sallë, ndërsa avokati i familjes së rreshterit Afrim Bunjaku, që u vra gjatë përplasjes së armatisur me grupin serb, tha se komuniteti ndërkombëtar duhet t’i ushtrojë presion Beogradit që të dorëzojë 42 të akuzuarit e tjerë që strehohen në shtetin serb

Kosovë/ Sulmi në Banjskë, nis gjyqi ndaj 45 të akuzuarve! Vetëm 3 të pranishëm, 42 të tjerë në arrati

Seancë gjyqësore për Banjskën (Foto nga arkivi)

Pas shtyrjes më 25 shtator, seanca gjyqësore për të akuzuarit e sulmit në Banjskë të Zveçanit, u zhvillua këtë të markurë.

Nga 45 të akuzuarit si të përfshirë në sulmin e vitit të kaluar, vetëm 3 prej tyre ishin në sallë, pasi pjesa tjetër janë në arrati.

Prokurori i rastit, Naim Abazi u njoftoi të pandehurve akuzat për terrorizëm, financim të terrorizmit dhe vepra të rënda penale.

“Vetëm njëri prej tyre u vetëdeklarua i pafajshëm, ndërsa 2 të tjerët shfrytëzuan të drejtën që u jep ligji për të mos u deklaruar momentalisht rreth fajësisë”, tha Naim Abazi.

Në lidhje me 43 të akuzuarit që janë në arrati, gjyqtari i çështjes, Arben Hoti, do të presë një opinion juridik nga Gjykata Supreme për interpretimin e ligjit, kur bëhet fjalë për gjykimin në mungesë.

Avokati Arianit Koçi që përfaqëson familjen e oficerit Afrim Bunjaku, i cili u vra nga grupi i armatosur serb më 24 shtator 2023, tha se ndërkombëtarët duhet të detyrojnë Serbinë për dorëzimin e pjesës tjetër të të akuzuarve.

 “Prokuroria e Posaçme e Kosovës shpalli ngritjen e aktakuzës me 11 shtator dhe ndër të akuzuarit kryesor është Milan Radoiçiç, ish nënkryetar Listës Serbe, partisë më të madhe të serbëve të Kosovës që mbështetet nga Beogradi, i cili mori përgjegjësinë për përgatitjen dhe udhëheqjen e grupit të armatosur”, tha Arianit Koçi.

Më herët, kryeministri Albin Kurti është shprehur se dorëzimi i Radoiçiç dhe pjestarëve të tjerë të grupit terrorist është një ndër kushtet për vazhdimin e dialogut me Beogradin.

Xh.K/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46