POP 5

Lajmet më të lexuara të 5 minutave të fundit

Kosova & Rajoni

Kosovë/Kryeministri Hoti prezanton kornizën e dialogut Kosovë – Serbi

Kryeministri i Kosovës, Avdullah Hoti ka prezantuar sot kornizën e Qeverisë së Kosovës për dialogun me Serbinë që sipas tij do të zhvillohet në bazë të Kushtetutës së Kosovës dhe do të drejtohet nga Kryemionistri i vendit

Kosovë/Kryeministri Hoti prezanton kornizën e dialogut Kosovë – Serbi

Kryeministri i Kosovës, Avdullah Hoti ka prezantuar sot kornizën e Qeverisë së Kosovës për dialogun me Serbinë që sipas tij do të zhvillohet në bazë të Kushtetutës së Kosovës dhe do të drejtohet nga Kryemionistri i vendit.

 “Dialogun e udhëheq kryeministri i Kosovës. Ka pasur diskutime nga më të ndryshmet, javët dhe muajt e fundit, unë nuk do të bëj kurrfarë gare me të tjerë profile institucionalë, pasi që kompetencat e mia kushtetuese janë të qarta, përfshirë edhe kompetencat për dialog”, ka deklaruar Hoti.

Përsa i përket parimeve të dialogut, Hoti tha se integriteti territorial i Kosovës është i panegociueshëm.

“Nuk ka kuptim asnjë marrëveshje pa njohje reciproke, dhe jo njohje reciproke të përkohshme, por njohje reciproke që na siguron ulëse në OKB dhe na siguron njohjen nga pesë vendet e BE-së që ende nuk na kanë njohur”, ka shtuar mes tjerash ai.

Objektivi i Qeverisë së Kosovës në dialogun me Serbinë, ka njoftuar Hoti është që në këtë marrëveshje të adresohen të gjitha çështjet e hapura me Serbinë, siç është fati i të pagjeturve dhe një listë e gjatë e çështjeve që janë në pritje.

Dialogu mes Kosovës dhe Serbisë është pezulluar nga nëntori i vitit 2018, kur autoritetet e Kosovës patën vendosur taksë 100 për qind në mallrat e Serbisë dhe Bosnje-Hercegovinës.

Ndërkohë kjo masë është zëvendësuar me reciprocitet, mirëpo qeveria e re e kryeministrit të Kosovës, Avdullah Hoti ka hequr të gjitha masat, për shkak të siç është shprehur ai, heqjes së të gjitha pengesave për vazhdimin e dialogut me Serbinë.

Dialogu mes Kosovës dhe Serbisë, i ndërmjetësuar nga Bashkimi Evropian, ka nisur më 2011 në Bruksel.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kosovari: 11/06/2020 11:28

    Mos vepro si Albini se, nuk po dihet sa ju zgjate qeverisja.tani kete ceshtje e prcizon Kushtetuta,po mbi te gjitha,ju vetem grindeni se, ata qe organizojne bisedimet,ata vendosin,jo Ju,Kush, cili nivel me kend me cilin nivel do bisedoje.Ju vetem grideni si gjelat n'pleh.E para e punes,para bisedimeve,Ju perfaqesuesit e klaneve politike, te shiheni dhe t e mereni vesh,cka nuk ka ndodhur kuurre mes nesh, te ngarkohet delegacioni I Kosoves,cka dhe per cka te bisedohet,sa mund te behet compromise, per cka nuk duhet lekundur nga vendi,e te gjitha ceshtjet dhe temat e bisedimeve.Kjo eshte essence e ceshtjes, Jo Uni I uneve tuaja!!Rrahagjoksit e Juaj!!

    Përgjigju
  • vilma bullani: 11/06/2020 09:22

    Me pelqeu fjala e Hotit. Por duhet te sigurohemi se do veproje sic deklaron, sepse shume here deklarat nuk jane mbajtur.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

Putin dhe ëndrra për Ukrainën si një shtet kukull i Moskës! Plani i tij për të pranuar armëpushimin

24 Nëntor, 12:38