POP 5

Lajmet më të lexuara të 5 minutave të fundit

Sport

Kosovës nuk i mjafton supergoli i Halimit, Spanja fiton sfidën e incidenteve ndaj 'dardanëve'! Maqedonia e Veriut turpëron Gjermaninë në Duisburg

Supergoli i Besar Halimit nuk ka mjaftuar që Kosova të dalë me pikë në transfertën e Spanjës, e cila u shoqërua edhe me shumë incidente. Ndërkohë surpriza më e madhe ka ardhur nga Gjermania atje ku Maqedonia e Veriut ka fituar 1-2 kundër 4 herë kampionëve të Botës.

Spanja ka rezultuar një ‘kockë shumë e fortë’ për Kosovën, e cila në Sevilja është mposhtur 3-1 nga ‘La Roha’. ‘Dardanët’ pjesën e parë e mbyllën në disavantazh të dyfishtë, pasi vendasit realizuan me Olmo-n dhe Torres. Në fraksionin e dytë të lojës ‘dardanët’ ngushtuan diferencat me një supergol të Halimit, i cili përfitoi nga dalja e gabuar e portierit Simon, por gjithsesi kjo ishte pak për të dalë me pikë nga kjo ndeshje.

Me tej Spanja vulosi gjithçka me Moreno-n në minutën e 75. Vlen për t’u theksuar se kjo ndeshje pati edhe disa incidente për shkak se Spanja nuk e njeh pavarësinë e Kosovës. Në fillim organizatorët kërkuan që të hiqej flamuri i ‘dardanëve’, por me ndërhyrjen e UEFA gjithçka u zgjidh. Gjithsesi kështu nuk ndodhi me stacionin publik të Spanjës që emrin e Kosovës në tabelë e shkruajti me shkronja të vogla, ndërsa gjatë komentit nuk e përmendi kurrë emrin Kosovë.

Përsa u përket ndeshjeve të tjera surpriza e madhe ka ardhur nga Duisburgu, aty ku Maqedonia e Veriut ka mposhtur 1-2 Gjermaninë. Pandev dhe Elmas bënë të pavlefshëm golin e Gundogan me penallti. Pas tre ndeshjeve në grup Maqedonia renditet në vendin e dytë me 6 pikë, ndërsa udhëheq Armenia me nëntë.

Ndërkohë Italia e Roberto Mancinit ka vijuar me rezultatet pozitive pasi ka marrë fitoren e tretë radhazi në tre ndeshjet e kualifikueseve të Botërorit. ‘Axurrët’ kanë mposhtur 0-2 Lituaninë, duke e çuar në 25 numrin e ndeshjeve pa humbje. Golat në këtë takim u realizuan nga Sensi dhe Immobile.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57