POP 5

Lajmet më të lexuara të 5 minutave të fundit

Shëndeti

Kosto “e fshehur” e kancerit
në BE, çdo vit 124 mld Euro

Kanceri çdo vit i kushton vendeve të Bashkimit Europian 124 miliardë euro. Vetëm një e treta e kësaj shifre (36%) shkon për shtrimin në spital, ilaçe dhe ndërhyrje kirurgjikale.
Kanceri çdo vit i kushton vendeve të Bashkimit Europian 124 miliardë euro. Vetëm një e treta e kësaj shifre (36%) shkon për shtrimin në spital, ilaçe dhe ndërhyrje kirurgjikale. Humbja e produktivitetit (mungesa e fitimit dhe taksat relative që i sëmuri nuk paguan për shkak të largimit nga puna ose vitet e jetës të humbura) përbëjnë 44% të shumës ndërsa 20% e kostos vjen nga shpenzimet dhe ditët e punës të humbura nga familjarët.

Janë këto rezultatet e disa kërkimeve të prezantuara në kongresin e Shoqatës Europiane të Onkologjisë Mjekësore në Vjenë. Përllogaritjet i përkasin vitit 2009 dhe janë kryer nga një grup studiuesisht të Universitetit të Oxford në Britaninë e Madhe, duke mbledhur e trajtuar të dhënat e Organizatës Botërore të Shëndetësisë, OSBE-së dhe ministrive të Shëndetësisë të vendeve përkatëse.

Përsa i përket shpenzimeve sanitare për kancerin, kostoja më e ulët për banor regjistrohet në Lituani me 32 euro në vit, ndërsa më e larta në Gjermani me 165 euro. “Shpenzimet sanitare më të mëdha regjistrohet në vendet europiane të Veriut dhe Qendrës - shpjegon raporti - Ato më të ulëta në vendet anëtare që kanë hyrë në BE në vitin 2004 dhe kanë nivele të ardhurash nacionale më të ulëta”.

Përsa i përket llojit të tumoreve, ai që kushton më shumë si kosto sanitare është tumori i gjoksit me 6 miliardë euro në vit (13% të totalit). Ndërsa rekordin e kostos totale e mban kanceri në mushkëri (19 miliardë euro) nga cilët 10 miliardë shkojnë për shkak të humbjes së produktivitetit.

Studimi i ka kushtuar vëmendje të veçantë edhe familjarëve të pacientëve. “Familjarët dhe miqtë e pacientëve janë vetë ata të sëmurë por nuk njihen si të tillë”, thotë një nga studiuesit. Duke krahasuar rreth një mijë persona që kujdesen për të sëmurët me po aq të tjerë që nuk kanë një problem të tillë, në kategorinë e parë rriten me 50% rastet e depresionit, ankthit dhe pagjumësisë, ndërsa me 60% rastet e dhimbjes së kokës dhe të patologjive gastrointestinale.

(im/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

SHBA-ja sanksionon industrinë serbe të naftës për shkak të pronësisë ruse

SHBA-ja sanksionon industrinë serbe të naftës për shkak të pronësisë ruse

10 Janar, 17:21