POP 5

Lajmet më të lexuara të 5 minutave të fundit

Kronikë

Kostoja e lartë e një
vdekjeje jashtë vendit

Fatkeqsia e humbjes së jetës që mund ti ndodhë çdo shqiptari që jeton jashtë vendin, përballet jo vetëm me kohën e gjatë të plotësimit të dokumentacionit të nevojshëm.
TIRANE- Fatkeqsia e humbjes së jetës që mund ti ndodhë çdo shqiptari që jeton jashtë vendin, përballet jo vetëm me kohën e gjatë të plotësimit të dokumentacionit të nevojshëm, por edhe me koston e lartë që duhet paguar nga familjarët për sjelljen e trupit të pajetë në Shqipëri. Fatet tragjike të shqiptarve që jetojnë thuajse në çdo cep të botës, janë të shprehura qartë në shifrat që Shqiptarja.com ka arritur të sigurojë nga Ministria e Transportit dhe Infrastrukturës.

Nga viti 1992 deri në fund të vitit 2013, mësohet që të jenë sjellë rreth 6500 trupa të pajetë, nga shumë prej vendeve të botës. Fatet e tyre janë të ndryshme, secili tragjik në llojin e tij por numrin më të madh të jetëve të humbura jashtë e përbëjnë ato të ndodhura në vendin e punës. Rreth 60 % e shqiptarëve të pajetë që janë sjellë nga jashtë, kanë humbur jetën në aksidente në punë.

Transporti
Në varësi të largësisë së vendit prej nga sillet trupi i pajetë dhe deri në qendrën administrative ku do të kryet varrimi, agjensitë  funerale kërkojnë shuma prej mijëra eurosh. Deri në vitin 2004 ky ishte një shërbim që mbulohej nga Ministria e Punëve Publike dhe Transporit, e cila kishte në dispozicion dy makina funerale. Por që prej atij viti, ky shërbim nuk ofrohet dhe familjarët janë të detyruar të gjejnë kompani funerale private për të kryer transportin.

Për të lehtësuar koston e çdo qytetarët Ministria e Transportit dhe Infrastrukturës, rimburson çdo familjarë me një shifër prej 70 lekë për kilometër, që nga vendi në të cilën merret i ndjeri deri në qendrën administrative ku do të kryet varrimi. Për Shqipëtarët që jetojnë jashtë territorit të BE-së, kjo shifër është fikse, 1500 dollarë. Pakënaqsitë e qytetarëve rriten pasi proçedurat e shumta që ata duhet të kryejnë nuk justifikohen me shifrat simbolike që shteti u rimburson.

Nga viti në vit numri i rasteve të regjistruara pranë kësaj ministrie shtohen. Duke ju referuar të shifrave, viti 2012 ka qënë edhe më i kobshmi për trupat e shqiptarëve të pajetë që janë transportuar me 696 raste. Vendet që kanë numrin më të madh të vdekjeve janë Italia dhe Greqia, dhe kjo argumentohet me faktin e egzistencës së një numri shuëm të madh emigrantësh në këto vende. Por raste të tilla ka edhe përtej oqeanit në Amerikë dhe Kanada, ku veç dhumbjes së humbjes së njerëzve të dashur, familjarëve të tyre u duhet tëp presin gati edhe me muaj për shkak të proçedurave të tejzgjatura.
 
Viktimat e riatdhesuara në vite
 Vite Totali
1992 21
1993 61
1994 142
1995 176
1996 201
1997 135
1998 110
1999 210
2000 200
2001 154
2002 253
2003 141
2004 314
2005 124
2006 318
2007 403
2008 490
2009 403
2010 602
2011 667
2012 696
2013 687

faksimile

Shkrimi u publikua sot (15.02.2014) në gazetën Shqiptarja.com (print)

Redaksia Online
(d.d/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31