Lihet në detyrë Prokurori i Elbasanit Artur Ismajlukaj ndërsa do i përcillet Inspektorit të Lartë të Drejtësisë të dhënat mbi udhëtimet e tij me persona me precedentë për të hetuar mbi shkelje disiplinore.
Vendimi u dha sot nga Kolegji i Posaçëm i Apelimit i cili la në fuqi vendimin nr. 681, datë 07.07.2023 të Komisionit të Pavarur të Kualifikimit, që i përket subjektit të rivlerësimit Artur Ismajlukaj.
Trupi gjykues i Kolegjit të Posaçëm të Apelimit përbëhej nga Rezarta Schuetz kryesuese, Natasha Mulaj relatore, Ina Rama, Mimoza Tasi, Sokol Çomo anëtarë mori në shqyrtim ankimimin kundër vendimit të KPK që i përket subjektit të rivlerësimit Artur Ismajlukaj.
“Në përfundim të gjykimit, trupi gjykues, bazuar në nenin 66, pika 1, shkronja “a” e ligjit nr. 84/2016, “Për rivlerësimin kalimtar të gjyqtarëve dhe prokurorëve në Republikën e Shqipërisë”, me shumicë votash, vendosi: – Lënien në fuqi të vendimit nr. 681, datë 07.07.2023 të Komisionit të Pavarur të Kualifikimit, që i përket subjektit të rivlerësimit Artur Ismajlukaj” thuhet në vendimin e shpallur sot
Gjatë seancës dëgjimore të 29 shkurtit 2024 Komisionerja Publike, Irena Nino kërkoi në KPA shkarkimin e prokurorit duke ngritur pretendimin se kontaktet e tij me persona të dënuar cënonin besimin e publikut te drejtësia.
Ndërkohë Ismajlukaj i përfaqësuar nga avokati këmbënguli se nuk provohej cënimi i besimit të publikut te drejtësia.
Ismajlukaj u konfirmua në detyrë më 7 korrik 2023 pasi u përball me dy seanca dëgjimore në të cilat kryesisht u diskutua mbi udhëtimet e tij në makina me persona me precedentë penalë, në një rast me makinën e një personi të dënuar për krim të organizuar në Rimini të Italisë. Ndërsa për pasurinë dhe profesionalizmin nuk u evidentuan probleme domethënëse.
Nga ana e tij Ismajluakaj deklaroi se udhëtimet kishin qenë të rastësishme, me qëllim që të mbërrinte pranë familjes ose në vendin e punës. Subjekti i rivlerësimit mohoi të kishte pasur njohje me shtetasin e dënuar në Itali, duke shpjeguar se mjeti i tij përdorej nga një funksionar policie në momentin kur kishte udhëtuar.
Sipas vendimit të Komisionit të Pavarur të Kualifikimit emri i tij do referohet pranë organit kompetent ILD për të vlerësuar nëse ka shkaqe për hetim disiplinor nga ana e këtij organi
Vendimi i KPA është përfundimtar dhe ka efekt të menjëhershëm.
Lajme të tjera
-
Mbylli dosjet e Berishës, Shkëlzenit e Bashës, KPA shkarkon gjyqtarin Lazër Sallakun
25 Prill, 10:29 -
KPA lë në fuqi shkarkimin e prokurorit të Beratit Tasim Puci, Vetingu lë jashtë dhe ndihmësin ligjor të gjykatës Administrative
19 Prill, 21:43 -
KPA shkarkon prokurorin Erjon Pano
15 Prill, 18:29 -
'Vetingu' i kërkon Kuvendit rritjen e pagave për administratën e saj! Ja sa do të paguhet, sekretari i përgjithshëm, drejtori dhe këshilltari për median
10 Prill, 21:46 -
KPA pezullon nga detyra prokurorin e Gjirokastrës Juljan Çafka, e kthen në shkollën e Magjistraturës për 1 vit
5 Prill, 15:51 -
'Strasburgu' i dha të drejtë, Antoneta Sevdari jo më e shkarkuar, KPA prish për herë të parë vendimin e vetingut! Dosja do të rishqyrtohet më 17 prill
11 Mars, 10:41 -
Vetingu largon përfundimisht nga sistemi i drejtësisë gjyqtaren Zeqine Sollaku, bashkëshorten e ish kryeprokurorit Sollaku
28 Shkurt, 23:39 -
Vetingu, KPA shkarkon prokurorin e Dibrës, Urim Buci
26 Shkurt, 15:54 -
U shkarkua se nuk justifikoi të ardhurat për blerjen e një trualli, KPA rikthen në detyrë prokuroren Daniela Sulaj
22 Shkurt, 16:20 -
Pas vendimit të Strasburgut, Antoneta Sevdari rikthehet për gjykim në Kolegjin e Apelimit
19 Shkurt, 17:15 -
KPA lë në fuqi konfirmimin në detyrë për prokurorin Ylli Bashaj! Nuk u gjetën shkelje gjatë hetimeve për pasurinë
2 Shkurt, 15:49 -
KPA konfirmon në detyrë gjyqtaren Mariana Shegani (Dedi)
31 Janar, 09:38
