POP 5

Lajmet më të lexuara të 5 minutave të fundit

Arkiva

KQZ: Deformime të rënda votash
në Lezhë, jondikuese në Shkodë

Komisioni Qëndror i Zgjedhjeve deklaroi sot se "u konstatuan deformime të rënda të rezultateve zgjedhore në 10 QV të qarkut Lezhë. KQZ ka si qëllim vetëm frymën e ligjit, profesionalizmin, transparencën".
TIRANË -  "U konstatuan deformime të rënda të rezultateve zgjedhore në Zonën Zgjedhore Lezhë, ku rasti nga më flagrantët ishte manipulimi në rezultatet e 10 QV për të cilat, anëtarët e KZAZ-së 13 depozituan pranë KQZ-së tabela jo origjinale të rezultatit por të falsifikuara, të cilat për më tepër ishin të korigjuara duke fshirë të dhënat për rezultatin e disa subjekteve zgjedhore".

Ky ka qenë thelbi i deklaratës së Komisionit Qendror të Zgjedhjeve sot në orën 14:00 para mediave, ndërkohë që PS dorëzoi një kërkesë-padi tjetër sot në Kolegjin Zgjedhor ndaj KQZ për shpalljen të pavlefshëm të rinumërimit të votave në qarkun Lezhë.  
 
KQZ mbështet idenë se edhe për Zonën Zgjedhore Shkodër rezultuan ndryshime të numrit të votave për disa subjekte zgjedhore, por pa ndikime në ndarjen e mandateve për këtë qark siç pretendonte subjekti ankues. Mbi bazën e provave, ky proces i këqyrjes së kutive të votimit për këto dy qarqe, dëshmoi parregullsi në plotësimin e tabelave të rezultateve zgjedhore nga grupet e numërimit.

"KQZ ka si qëllim në veprimtarinë e saj vetëm frymën e ligjit, profesionalizmin, transparencën, pra të gjithë elementët që i shërbejnë qëllimeve madhore, rritjes së besueshmërisë në procesin zgjedhor të elekotratit në radhë të parë dhe të subjekteve politike, certifikimit të procesit sipas standardeve ndërkombëtarisht të pranuara", thuhet ndër të tjera në deklaratë.

"Shprehim bindjen se ky rol aktiv i KQZ-së do t’i shërbejë forcimit të kulturës së ndëshkueshmërisë, do të japë mësimin e merituar për çdo komisioner që në mënyrë joligjore merr përsipër të manipulojë vullnetin e zgjedhësve shqiptarë!", përfundon deklarata e KQZ.  

Deklarata e plotë e KQZ për rinumërimin në qarqet Lezhë dhe Shkodër

Redaksia Online
(mag/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Gripi i shpendëve, 3 pulëbardha gjendjen të ngordhura në Lagunën e Karavastas, grupet e punës po monitorojnë fermat

Gripi i shpendëve, 3 pulëbardha gjendjen të ngordhura në Lagunën e Karavastas, grupet e punës po monitorojnë fermat

11 Janar, 10:33