KQZ, ndryshojnë mandatet në
Lezhë, e majta 3, e djathta 4

TIRANE- Komisioni Qendror i Zgjedhjeve ka miratuar talebën përfundimtare të qarkut Lezhë, duke përmbyllur kështu procesin e miratimit të rezultateve në të gjitha qarqet e vendit. Pas diskutimeve të vazhduara gjatë gjithë mbledhjes së KQZ lidhur me tabelat e rezultateve të 10 qendrave të votimit të KZAZ-së nr. 13, në qarkun e Lezhës, është miratuar me 4 votat e anëtarëve të pranishëm rezultati përfundimtar.
 
Më miratimin e tabelës përfundimtarë të qarkut lezhë, ndryshojnë edhe mandatet për këtë qark. Kështu me këtë ndryshim rezultati futet në Parlament Vasil Bici i Partisë Demokratike, pasi koalicioni i djathtë merr katër mandate, dhe e majta rezulton me 3 mandate.

Për miratimin e rezultatit përfundimtar, Komisioni Qendror i Zgjedhjeve ka përdorur tabelat elektronike origjinale për 10 qendra votimi nga 248 në këtë qark.

Kryetarja e KQZ-së, Lefterije Lleshi tha se “na mungonin dokumentet origjinale për 10 QV. Morëm për bazë rezultatin në tabelën elektronike. Do të miratojmë tabelën me shifrat e korrigjuara, duke përdorur tabelat elektronike”.
 
Lidhur me këtë zhvillim, pëfaqësuesi ligjor i PS në KQZ, Genc Gjonçaj, kërkoi zbardhjen e vendimit, në mënyrë që të përgatitet ankimimi.
 
Ndërsa, Kosovrasti vlerësoi saktësinë e sistemit elektronik, duke u shprehur se “sot kemi rezultatin e vërtetë”.

Redaksia Online
(e.s/shqiptarja.com)

TAG:
• kqz