TIRANË- Pas vendimit për të mos regjistruar Partinë Demorkatike në zgjedhjet e 14 majit, deputeti, Gazment Bardhi ka hedhur akuza të forta në drejtim të kryekomisionerit Ilirjan Celibashit, i cili tha se ka qenë i shantazhuar. Në të njëjtën linjë ka qenë edhe kryetari i Komanduar i PD-së, Enkelejd Alibeaj.
"Vendimi i paralajmëruar i Komisionerit të Zgjedhjeve është qartas i ndikuar politikisht nga aktorët politikë të interesuar që PD të mos regjistrohet në procesin e zgjedhjeve vendore të 14 majit", shkruan ndër të tjera Alibeaj.
"Asnjë njëri i shantazhueshëm dhe që nuk respekton ligjin, nuk meriton asnjë respekt. Ilirjan Celibashi ka humbur besimin e PD për të administruar procesin zgjedhor. Ai shkeli rëndë ligjin, për qëllime politike. Vendimi do të ankimohet menjëherë në KAS", shkruan Bardhi.
Përgjigjen iu dha menjëherë Celibashi, në një komunikim me mediat që pati me gazetarët, fill pasi mori vendimin. Celibashi shtoi se nuk është ndikuar nga askush, përveç se nga ligji.
“Në çdo pikëpamje nuk jam i shantazhueshëm dhe kam dedikimin profesional për të respektuar ligjin. Zbatimi i ligjit dhe korrektësia në zbatimin e saj ka qenë shtylla kurrizore e punës sime. Më vjen keq që zoti Bardhi e sheh të pabazuar vendimin tim. Gjuha e përdorur e pa tolerueshme. Nuk i bën nder figurës së tij. Nuk e gjen asgjë të thotë vlerësojmë se një vendim i tillë nuk është marrë në përputhje me kodin dhe kjo do ishte e mjaftueshme”, ka deklaruar ai.
Këto reagime vijnë pasi në një vendim përfundimtar, kryekomisioneri Ilirjan Celibashi rrëzoi kërkesën e PD-së për t’u regjistruar në zgjedhjet e 14 majit me Enkelejd Alibeajn të komanduar kryetar. Shkak u bë mungesa e firmës së Lulzim Bashës, dukë sqaruar se firmosja e angazhimit solemn për mos blerje të votave është një e drejtë ekskluzive e kryetarit, që nuk mund të delegohet.
Deputeti i PD-së, Kreshnik Çollaku nuk e ka cilësuar të drejtë vendimin e Celibashit për mosregjistrimin e PD-së në zgjedhje. Çollaku, njëlloj si Bardhi dhe Alibeaj pretendon se komisioneri nuk ka zbatuar ligjin dhe se ka vepruar politikisht në shërbim të interesave të tij.
Ai madje thotë se nëse Celibashi nuk vepron sipas ligjit të nisin procedurat për shkarkimin e tij.
“Kryetari i Komisionit te Zgjedhjeve ka detyre te zbatoje ligjin,aty nuk eshte te beje politike.
Nese i mungon politika duhet ndihmuar duke filluar procedurat e shkarkimit te tij ne Parlament.”- shkruan Çollaku.
Ka vijuar përplasja në distancë mes Bardhit dhe Celibashit. Sekretari i përgjithshëm i PD-së Gazment Bardhi thotë se vendimi i marrë sot nga komisioneri për mosregjistrimin e PD-së në zgjedhjet e 14 majit është antiligjor. Bardhi ka akuzuar sërish Celibashin se është i shantazhueshëm dhe vepron si zëdhënës i interesave politike.
“E patolerueshme është përfshirja me shkrim dhe privatisht e KSHZ në një konflikt politik, duke shërbyer si zëdhënës i interesave politike. Vendimi i sotëm i Ilirjan Celibashit nuk ka asnjë lidhje me ligjin. Një njëri i shantazhueshëm nuk ka lidhje me ligjin dhe zgjedhjet!”- shkruan Bardhi.
Kryetari i komanduar i PD-së, Enkelejd Alibeaj është shprehur se vendimi i Celibashit për mosregjistrimit të PD-së në zgjedhje është akt politik.
“Vendimi i paralajmëruar i Komisionerit të Zgjedhjeve është qartas i ndikuar politikisht nga aktorët politikë të interesuar që PD të mos regjistrohet në procesin e zgjedhjeve vendore të 14 majit. Sikundër e deklaroi dhe publikisht, zoti Celibashi e ka të pamundur të ndajë opinionet dhe tifozerinë personale nga faktet juridike. Për pasojë, vendimi i tij e zgjat pa fund dhe pa arsye të qenësishme regjistrimin e PD. Dukshëm, e madje deri në kufijtë e groteskut, komisioneri nisur vetëm për shërbim politik ndaj kundërshtarëve të PD, vendos ta përjashtojë nga zgjedhjet. Siç ndodhte këtu e 32 vjet më parë, kur ishte partia në pushtet ajo që lejonte ne zgjedhje vetëm satelitët e saj. Kjo marrëzi politike, si 32 vjet më parë, i ndodh sot Shqipërisë kur është vend i NATO-s dhe synon të jetë anëtar i BE-së!
Megjithëkëtë e si përherë do të vijojmë rrugën ligjore për të finalizuar përfaqësimin e PD në 14 maj. Çdo artificë ligjore apo arsye e stisur politike dhe aspak ligjore është thjesht rruga e dëshpëruar që zgjatime të politikës së vjetër në institucione kushtetuese të pavarura kanë zgjedhur për të na penguar në rrugën tonë. Nuk do ia dalin!!”- shkruan Alibeaj.
Komente
Lajme të tjera
-
Sali Berisha lirohet nga 'arresti shtëpiak!' Reagon opozita! Bardhi: Fitore politike e tij! Meta nga burgu: Urime
27 Nëntor, 11:29 -
Protesta e 26 nëntorit/ Goditën e ofeduan policët, 15 deputetë të opozitës hetohen si organizatorë! Arrestohen 2 militantë, 64 në hetim (EMRAT)
27 Nëntor, 09:26
-
Aksioni në Elbasan/ Bardhi: Banda ishte në shtabin e PS për vota, SPAK të hetojë ndikimin politik! Kush e emëroi motrën e 2 anëtarëve të grupit drejtoreshë të AZHT?
26 Nëntor, 16:15 -
Buxheti 2025 kalon te 'Ligjet': 500 milionë lekë më shumë për zgjedhjet, 200 milionë lekë për SPAK, shtesa për sigurinë kibernetike dhe institucionet e Drejtësisë
25 Nëntor, 19:58 -
Eduard Zaloshnja: Pavarësisht nga data e zgjedhjeve, votimi i emigrantëve duhet të mundësohet!
25 Nëntor, 15:14
-
Data për zgjedhjet 2025/ PS dhe Celibashi i propozojnë presidentit 11 majin, Klosi: T'ju lemë më shumë kohë emigrantëve! PD refuzon konsultimet, Berisha: 'Haram Bego' vendos çfarë i thotë Rama
25 Nëntor, 08:20 -
Bardhi takim me strukturat e PD në Divjakë, thirrje dhe për protestën e të martës në Tiranë: Fermerët kanë mjaftueshëm arsye!
24 Nëntor, 19:21 -
Zgjedhjet 2025/ Bardhi: Betejë për jetë a vdekje! Në Kuvend, gratë deputete shpesh herë më shumë luftarake se burrat
23 Nëntor, 14:08 -
Alban Daci: A po e 'blejnë' të drejtën kushtetuese për votuar shqiptarët që jetojnë jashtë?
22 Nëntor, 17:55
-
Dosja Partizani/ Berisha 326 ditë 'burg' në shtëpi, Bardhi i del në krah, i kërkon GJKKO-së: Hiqni 'arrestin shtëpiak'! Kryetari i PD-së mbrojti Kushtetutën, po e pengoni për fushatën
22 Nëntor, 12:02 -
‘Alarmi’ për votën e emigrantëve, KQZ garanton: S’ka dështim! Ose ndërrojmë Kodin, ose paguajmë shtrenjtë! Votimi e numërimi elektronik 18.2 mln euro vetëm për Tiranën
21 Nëntor, 12:25 -
E akuzoi se e emëruan bandat, ish-drejtori i Policisë së Shkodrës padit Gazment Bardhin për shpifje
21 Nëntor, 09:32
Uroj qe kryetari te dali me fitiore 99.9 %
PërgjigjuAkoma se kuptojn qe si njef njeri si anetare te partis demokrtaike me menyren se si sillen duke mos zbatuar kerkesat e ligjit ,te largohen dhe nga partia dhe nga parlamenti duke filluar nga Bardhi qe vuan nga "zgjuarsia"!
Përgjigju