Krasniqi i drejtohet Kurtit: Po luan me zjarrin! Nuk të lejojmë të rrezikosh raportin me SHBA, është i shenjtë

Kryetari i Partisë Demokratike të Kosovës, Memli Krasniqi gjatë fjalës në Kuvend tha se kryeministri Albin Kurti nuk është koordinuar fare me partnerët ndërkombëtarë për hapat e ndërmarrë në pjesën e veriut.

“Del këtu na lexon raporte, na tregon histori dhe nuk di të thuash asnjë fjalë se çfarë do të arrish me këtë veprime. Nuk I ke të bashkërenduara, por i ke bërë me kokën tënde”, theksoi ai.

Ai tha se veprimet e qeverisë Kurti në veri janë aventureske dhe e rrezikshme për Kosovën dhe qytetarët e saj.

“Zgjedhjet në veri janë mbajtur për shkak të gabimeve të tua. Sot një javë, përafërsisht në këtë kohë, ti në kokën tënde ke nisur një veprim aventuresk. Është turp të frikësohesh, por është dashur të koordinohemi, se ndoshta të kishim ndihmuar, por ju jeni mësuar të punoni fshehurazi. E keni mbyllur një kryetar komune aty si Oso Kukën. Me kë është duke punuar ai”, tha ai.

Kreu i PDK-së ia bëri të qartë Kurtit se po luan me zjarr, ndërsa i kujtoi këtu anulimi i aktivitetit të “Defender Europe 2023”.

Krasniqi tha se kurti e ka sjellë punën deri aty sa SHBA, partneri kryesor i Kosovës, del dhe kritikon publikisht veprimet e një jave më parë.

“Po luan me zjarr, njerëzve iu duhet paqe. Të kanë përjashtuar prej stërvitjes “Defender Europe 2023”. Çfarë dëshpërimi është për ata ushtarë. Ti kanë anuluar vizitat për Amerikë për herë të dytë.

Këto ke të arritura. Na ke sjell në situatën ku sekretari i shtetit amerikan na ka dënuar publikisht. Raporti me SHBA është i shenjtë.  Nuk të lejojmë të rrezikosh, këtë s’ta lejojmë, sepse është ekzistencial”, tha ai.

Lajmi kryesor:

Tensionet në veri, Lajçak e Escobar javën tjetër në Kosovë! PE kërkon para ligjit sulmuesit e ushtarëve të KFOR! Vuçiç: Pres propozimin e Perëndimit

M.Q./Shqiptarja.com

TAG:
• Albin Kurti
• aleksander vucic
• tensione ne veri te kosoves
• BE
• kosove