POP 5

Lajmet më të lexuara të 5 minutave të fundit

Ekonomi

Kredia, bankat shtrëngojnë kushtet
BSH: Bie kërkesa në vend

Kushtet e kreditimit janë shtrënguar më pak për bizneset, por kanë vijuar të shtrëngohen më teperë për individët gjatë tremujorit të parë të vitit 2012, në krahasim me tremujorin e fundit të vitit 2011, raporton Banka e Shqipërisë në dokumentin e saj kushtuar aktivitetit të kreditimit nga bankat e nivelit të dytë në periudhën janar-mars 2012.
Kredia, bankat shtrëngojnë kushtet<br />BSH: Bie kërkesa në vend
TIRANË - Kushtet e kreditimit janë shtrënguar më pak për bizneset, por kanë vijuar të shtrëngohen më teperë për individët gjatë tremujorit të parë të vitit 2012, në krahasim me tremujorin e fundit të vitit 2011, raporton Banka e Shqipërisë në dokumentin e saj kushtuar aktivitetit të kreditimit nga bankat e nivelit të dytë në periudhën janar-mars 2012. Për ndërmarrjet e mëdha janë zbatuar standarde të shtrënguara, ndërsa për ndërmarrjet e vogla dhe të mesme ato nuk kanë ndryshuar nga një tremujor më parë.
Bankat për bizneset kanë rritur tarifat e kredisë dhe kanë shtuar kërkesat për kolateral nga më parë, thekson BSH
Kërkesa për kredi në vend vlerësohet të jetë ulur ndjeshëm në tremujorin e parë të vitit 2012, si nga bizneset ashtu edhe nga individët. Kjo rënie është vënë re më shumë për kredinë për investime të bizneseve dhe në kredinë për blerje banese të individëve.
Në tremujorin e parë të vitit 2012, vlerësimi i ekspertëve të bankave për kërkesën e bizneseve për kredi është përkeqësuar ndjeshëm nga tremujori i kaluar. Përqindja neto e bankave që kanë perceptuar rënie të kërkesës për kredi rezultoi 23.8%, nga 12.6% që ishte në tremujorin e mëparshëm. Kërkesa për kredi me qëllim financimin e investimeve fikse u përkeqësua ndjeshëm. Ndërkohë që kërkesa për financimin e kapitalit qarkullues është vlerësuar pak më lart se në tremujorin e kaluar.
Për tremujorin e dytë të vitit 2012 ekspertët e bankave presin që standardet e kredisë për bizneset nuk do të shtrëngohen më tej.
Faktorët që dhanë kontribut në kahun shtrëngues të standardeve të kredisë dhënë individëve, janë gjendja e kredive me probleme, gjendja financiare e individëve dhe zhvillimet në tregun e pasurive të paluajtshme. Ndonëse në krahasim me një tremujor më parë, këta faktorë janë vlerësuar nga bankat në një shkallë më të ulët, ata vazhdojnë të mbeten faktorët me kontributin kryesor negativ në shtrëngimin e standardeve.


(aq/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Televizioni publik izraelit: Marrëveshja për armëpushim në Liban është arritur

Televizioni publik izraelit: Marrëveshja për armëpushim në Liban është arritur

24 Nëntor, 21:56