Për ti ardhur në ndihmë bizneseve të dëmtuara nga masat e ndërmarra për të parandaluar infeksionin e COVID-19 në vendin tonë, qeveria përveç pagës së luftës prej 26 mijë lekësh që dha për përfituesit e paketës së parë, dhe bonusit prej 40 mijë lekësh për përfituesit e paketës së dytë, kredia me garanci sovrane ishte mbështetja e radhës për bizneset që nuk përfituan.
Qeveria miratoi dy garanci sovrane, e para në vlerën e 11 miliardë lekëve dhe e dyta 15 miliardë lekë, duke iu dhënë mundësinë të gjitha bizneseve që të marrin kredi për pagat e punonjësve deri në tre muaj.
Burime për Report TV nga Ministria e Financave thonë se deri më tani janë 408 biznese që kanë aplikuar për të marrë kredinë sovrane, për pagat e punonjësve të tyre. Po të njëjtat burime pohojnë se për momentin nga bankat e nivelit të dytë janë në proces shqyrtimi 72 kërkesat e para që janë bërë për kredi. Pas marrjes në shqyrtim të aplikimeve Bankat Tregtare kanë 10 ditë afat për të kthyer përgjigje nëse janë ose jo përfitues.
![](https://shqiptarja.com/template/img/NO_ALFA_Kuadrate shqiptarja.png)
Bizneset me këtë kredi sovrane mund të shlyejë pagat e punonjësve deri në 150 mijë lekë. Pra ne listën e punonjësve të biznesit nuk përfitojnë pagën ata që marrin më shumë se 150 mijë lekë në muaj. Që nga momenti kur aprovohet kredia nga banka e nivelit të dytë, biznesi do të ketë 2 vite afat për ta shlyer atë me këste. Garancia sovrane iu vjen në ndihmë të gjithë bizneseve të prekura dhe që nuk kanë përfituar nga paketat e ndërmarra.
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)