Kremlini: Rrëzimi i avionit të Prigozhin mund të jetë shkaktuar qëllimisht

Zëdhënësi i Kremlinit, Dmitry Peskov, shprehet se hetuesit janë duke e konsideruar mundësinë që avioni, ku pasagjer ishte shefi mercenar Yevgeny Prigozhin, të jetë rrëzuar qëllimisht.

"Është e qartë se versione të ndryshme të ngjarjeve po shqyrtohen, duke përfshirë versionin, ju e dini se për çfarë po flasim, le të themi se ishte një krim i provokuar qëllimisht. Duhet të presim rezultatet e hetimit tonë rus”, u tha gazetarëve Peskov.

LEXO EDHE:
Ish-këshilltari amerikan: Trump s’ka ide si t'i japi fund luftës në Ukrainë

Avioni privat Embraer i prodhimit brazilian në të cilin Prigozhin po udhëtonte nga Moska në Shën Petersburg u rrëzua më 23 gusht në veri të Moskës, duke vrarë të 10 personat në bord, mes tyre edhe kreun e grupit Wagner, Yevgeny Prigozhin, raportojnë mediat e huaja.

Shkaku i rrëzimit të avionit të Prigozhin është ende i paqartë, por banorët pranë vendit të ngjarjes i thanë Reuters se dëgjuan një zhurmë të fuqishme dhe më pas panë avionin i cili ishte rrëzuar.

Lajmi kryesor:

Vdekja e Prigozhin, Kremlini: Nuk përjashtohet akti i qëllimshëm! Shi dronësh në Rusi, Podolyak: Lufta po spostohet

S.S/Shqiptarja.com

TAG:
• Yevgeny Prigozhin
• Rusi
• Dmitry Peskov