Besimtarë katolikë në Lezhë kanë kremtuar të premten e zezë, apo siç njihet ndryshe “Udha e Kryqit”.Të udhëhequr nga përfaqësues të klerit katolik besimtarët u nisen nga katedralja e qytetit për të marshuar deri në kalanë e Lezhes duke kujtuar në këtë mënyre mundimet e Jezu Krishtit.
Gjatë kremtimit të udhes së kryqit, ipeshkvi i Lezhës Otavio Vitale ju ka drejtuar një mesazh shqiptareve që mos të largohen nga vendi i tyre, pasi është i bindur se situata do të ndryshoje, ndaj nuk duhet humbur shpresa.
"Të mos largohen prej Shqipërisë. Ne kemi një komb shumë të bukur. Pasuria që kemi këtu në Shqiqpëri na pasuron zemrat tona. Edhe unë që jetoj këtu e kam përzemër Shqipërinë. I them të rinjve, kurajo", u shpreh Otavion Vitale.
“Udha e Kryqit” vjen me 14 ndalesa dhe në secilën prej tyre besimtaret bëjnë lutje dhe përkujtojnë mundimet e Jezusit. E premtja para Pashkës, shënon ditën e kryqëzimit të Krishtit dhe vuajtjeve të tij me kryqin mbi shpinë.
