Në Katedralen “Nënë Tereza” në Prishtinë është mbajtur mesha e shenjtë e Krishtlindjes, e cila u udhëhoq nga Ipeshkvi i Kosovës, Imzot Dodë Gjergji, i cili bëri thirrje për paqe. Ai tha se paqja e njerëzve mbi tokë është dhuratë që vjen prej Zotit dhe i afrohet njerëzimit.
“Shpresa dhe lumturia nuk gjenden në pasurinë e tokës, as tek politika e pushteti, as te lavdia, por në mënyrë të mistershme fshihet brenda dhuntive dhe hireve që i marrim prej Zotit”, tha ai gjatë meshës.
Ai përmendi dhe luftën në Ukrainë, duke thënë se në botën në të cilën jetojmë, mosdurimi, urrejtja dhe konfliktet vazhdojnë të kërcënojnë dhe rëndojnë jetët e njerëzve dhe të ardhmen e popujve.
Imzot Dodë Gjergji tha se lutet për ato gra që janë vrarë ose vazhdojnë të torturohen nga ata që duhet të ju dhurojnë dashuri, pra bashkëshortët e tyre.
“Jemi dëshmitarë se çfarë po ndodhë në vendin tonë.. Mungesa e luftës dhe paqja e detyruar nuk ka krijuar kushte për pajtim, por vetëm sa ka akumuluar urrejtjen dhe mosbesimin”, tha ai, duke shtuar se secili njeri duhet të ruhet nga gjuha e urrejtjes dhe veprimet që nuk çojnë drejt pajtimit, por drejt konfliktit.
“Të përfshirët në lehtësimin e dialogut nuk duhet të presin që pajtimi të vijë vetvetiu, por të angazhohen më seriozisht dhe të jenë më të drejtë në gjykimet dhe propozimet e tyre, në mënyrë që të mos lejohet që një konflikt i ri të mos vijë në rajon”, tha ai.
Me rastin e festës së Krishtlindjes, Ipeshvkia e Kosovës organizoi edhe pritjen solemne, në të cilën morën pjesë personalitete nga jeta politike dhe kulturore.
Kryeministri i Kosovës, Albin Kurti, i cili mori pjesë në këtë pritje i uroi Ipeshkvit Dodë Gjergji dhe besimtarëve katolikë Krishtlindje të gëzuar. Presidentja Vjosa Osmani, i uroi të gjithë besimtarët e krishterë, siç tha, që në këtë ditë ta rrisin shpresën e t’i hapin zemrat.
“Në shtëpinë e secilit të mbizotërojë shëndeti, lumturia e paqja! Të jemi solidarë, të reflektojmë harmoni e të festojmë bashkë”, shkroi ajo në Facebook.
Krishtlindja është festa më e rëndësishme në kalendarin e festave të krishtera dhe festohet çdo vit në natën mes 24 dhe 25 dhjetorit./ REL
Lajme të tjera
-
Drafti i Ramës për Asociacionin në Kosovë, deputeti i PDK: Të prezantohej në mbledhjen e përbashkët të qeverive! Mos ta përdorin për patriotizma me shqiponjë
8 Qershor, 21:20 -
Mero Baze: Ata që 'vigjilojnë' ndaj Edi Ramës, për Kosovën
8 Qershor, 19:45
-
Opozita kundër draftit për Asociacionin! Berisha: Rama ‘vasal’ i Vuçiçit! Meta: Veprimet e njëanshme acarojnë më shumë! Vasili: Ta urrejmë këtë besprerë
8 Qershor, 19:42 -
Në rrethanat e krijuara, Albin Kurti është jo thesht një fatkeqësi për Kosovën, por edhe një rrezik për fatet e saj
8 Qershor, 18:59
-
Tensionet në Veri, gazetari Buzhala: Kurti, politikan më i rrezikshëm që ka udhëhequr ndonjëherë Kosovën! Propozimi i Ramës, gjëja e duhur
8 Qershor, 16:44 -
Kurti për Asociacionin: Nuk mund të ketë tekste alternative! Nëse ka dakordësi, mund të thelloj vizionin e draftit që prezantova në 2 maj
8 Qershor, 16:27 -
Tensionet në veri të Kosovës, zv kryeministri i Kosovës: Asociacioni kal troje i Beogradit, kërkojnë një republikë Srpska të re! (DOKUMENTI)
8 Qershor, 14:46 -
Shqipëria draft për Asociacionin e komunave serbe në veri, Hoxhaj: Rama po përpiqet të na ndihmojë, Kosova ta mbështesë këtë iniciativë
8 Qershor, 14:46 -
Tensionet në veri të Kosovës, Rama harton draftin për Asociacionin e komunave serbe! Në tryezën e Macron-Scholz! Të ribëhen zgjedhjet
8 Qershor, 11:34 -
Për kë punon Albin Kurti?
8 Qershor, 09:39
-
Mocion mosbesimi ndaj Qeverisë së Kosovës për të shmangur pasojat nga Perëndimi?
8 Qershor, 07:38 -
Senatorët amerikanë: Kosova dhe Serbia të ulin tensionet, dështimi rrezikon marrëdhëniet me SHBA-në
7 Qershor, 22:29
