POP 5

Lajmet më të lexuara të 5 minutave të fundit

Sport

‘Krenar për Ballkanin, mposhtëm një rival me 30 mln euro buxhet!’ Drejtori Nexhipi për Report TV: Trajneri Daja te Kombëtarja? E ngacmoj shpesh

Nderim Nexhipi, drejtori sportiv i Ballkanit, skuadrës shqiptare të Kosovës që mori rezultat historik në Kupat e Europës, për ‘Report TV’ fillimisht shprehet shumë i lumtur për fitoren me Sivasporin, ndërsa shton se tani synojnë kalimin e grupit. Ai zbehu edhe spekulimit se trajneri i Ballkanit, Ilir Daja, do jetë pasuesi i Edy Rejës në kombëtaren shqiptare.

Skuadra shqiptare e Kosovës, Ballkani, bëri surprizën e madhe të enjten duke mposhtur 3-4 në Turqi ekipin e Sivaspor për grupet e Conference League. Një fitore mbreslënëse që ka entuziazmuar pafund në Kosovë dhe në trojet shqiptare, ndërsa për Report Tv Nderim Nexhipi, drejtori sportiv i Ballkanit, shprehet krenar.

“Kishim përballë fituesin e Kupës së Turqisë Sivasporin. Ekip që është me shumë traditë dhe vitet e fundit pothuajse ka marrë pjesë gjithmonë në Kupat e Europës. Është një ekip me buxhet 30 milionë euro,”-tha ai.

Si pasojë e rezultatit historik Ballkani mban vendin e parë në grupin e Conference League dhe tani oreksi është shtuar. Nga objektivi për paraqitje dinjitoze skuadra po mendon për kalimin në raundin me elimin im direkt.

“Ne e kemi parë që mund të befasojmë çdo ekip dhe po bëjmë ndeshje shumë të mira. Besoj që do shkojmë aq sa mundemi dhe do tentojmë që befasojmë këdo për të marrë maksimumin nga grupet,”-u shpreh ai.

Trajneri i skuadrës Ilir Daja, një njohje e madhe e Superligës shqiptare, po lakohet shumë si pasuesi i Edy Reja-s në kombëtare, por Nexhipi e mohon që kjo të ndodhë shpejt.

“Trajneri Ilir Daja ka kontratë afatgjatë me ne. I kemi rinovuar për dy vitet e ardhshme. Unë e ngacoj ndonjëherë dhe i them që pret puna edhe pak. Ta mbarojmë këtë që kemi nisur këtu njëherë dhe pastaj të vazhdojmë më gjerat e tjera,”-tha ai.

Përveç Sivasporit Ballkani është në grup me Sllavia Pragën dhe CFR Cluj.

Ne.k./SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kë doni ju që të fitojë zgjedhjet në SHBA?

Lajme të tjera



×

Lajmi i fundit

Fier/ 18- vjeçarja vetplagoset me armë zjarri, ende nuk dihet shkaku

Fier/ 18- vjeçarja vetplagoset me armë zjarri, ende nuk dihet shkaku

4 Nëntor, 18:59