TIRANE - Presidenti Ilir Meta përshëndet detyrën fisnike të mjekëve, infermierëve e sanitarëve që sot janë në vijën e parë të përballjes me koronavirusin.
"Mjekët, infermierët, sanitarët dhe personeli mbështetës janë sot në vijën e parë të përballjes me pandeminë COVID-19. Mirënjohje të thellë dhe falenderim për përkushtimin, profesionalizmin dhe sakrificat, edhe të familjeve të tyre. Ju jeni heronjtë tanë në këtë betejë për mbrojtjen e shëndetit të çdo qytetari të vendit Krenarë për të gjithë ju!", shkruan Meta.
Tashmë në Shqipëri numri I të prekurve është 33 dhe një e vdekur në Durrës.
Meriton Siqeca kardiolog invaziv në spitalin “Shefqet Ndroqi”, u ka kushtuar një shkrim qytetarëve, kolegëve të tij, mjekë dhe infermierë që prej 5 ditësh po përballen me COVID-19 në Shqipëri.
Në postimin e tij thotë se këshilla e vetme që jep si mjek është që qytetarët të qendrojnë në shtëpi, e të mos u bëjnë xhiro fëmijëve, apo të dalin edhe vetë.
Ai shprehet se edhe kur u mbaron orari I punës ata u përgjigjen pacientëve të tyre në cfarëdolloj mënyre.
Postimi i plotë i kardiologut:
Ju lutem, mos na quani HERONJ më!
Edhe atëherë kur harroni ekzistencën e mjekëve dhe stafit të shëndetësisë, edhe atëherë kur i shani me të gjitha fjalët e këqija që gjenden në fjalor dhe më shumë, ne jemi në punë çdo minutë të jetë sonë. Edhe kur na mbaron orari i punës, përgjigjemi në telefon, ëhat’s app, viber, facebook ndaj çdo ankese të pacientit. Sa herë që na keni sharë, është parë që nuk gjykohet drejtë, andaj dhe gjykimi i tanishëm nga ana juaj nuk na duhet.
Ne kalojmë çdo ditë duke luftuar një pafundësi sëmundjesh e diagnozash. Aktualisht po merremi me vetëm NJË (1) diagnozë, patjetër shumë të rrezikshme dhe pandemike.
Ju lutem, shfrytëzoni këtë moment ku po rezultojmë heronj për ju dhe “taposeni” përfundimisht në kokë që ne kemi një betim ndaj vetvetes që çdo njeri do ta trajtojmë si familjarin tonë dhe se të bësh mjekësi ka të mira të pafundta, por dhe këto situata.
Kjo është luftë e llojit tjetër. Me plumba luftojnë ushtarët, në pandemi jemi ne ushtarët. Do donim shumë të qëndronim në shtëpi edhe ne, por as nuk e diskutojmë në asnjë moment që do jemi në spitale deri sa ta qërojmë dhe këtë kërcënim ndaj njerëzimit, me apo pa “kurajën” tuaj që na jepni duke na quajtur “heronj”!
Ju lutem, si mjek, ju vetëm rrini në shtëpi, se nuk është kohë për të dalë te liqeni për t’i bërë xhiro nipçes apo mbeskës, se i kanë heq nga shkolla.
Nuk dua të merrem fare me faktorët e mjerueshëm personale që kemi secili nga ne, në punën tonë të përditshme, të cilat i dinë vetëm familjarët e miqtë e ngushtë që habiten kur i dëgjojnë. Jemi HERONJ çdo ditë të punës sonë, prej nga ekzistoni dhe ju dhe ekzistojnë të dashurit tuaj!
Kjo është situatë e rëndë. Nuk na duhen elozhet tuaja, por bashkëpunimi juaj me këshillat e OBSh-së dhe tonat. Pikë!
Ju uroj jetë të gjatë dhe do ta kalojmë këtë situatë të gjithë me kontributin e vet! Ne jemi GJITHMONË këtu dhe, siç e tregon historia, përkushtohemi më shumë ndaj jush, se sa ndaj vetes e familjarëve tanë, ÇDO DITË!
Mjekët-Heronj meritojnë një respekt të madh në këto kohë të vështira.
Ata po rrezikojnë jetën e tyre për të qenë në krye të detyrës më humane që mund të ekzistojë, në shërbim të personave që kanë nevojë për ndihmë.
Mjekët që ndodhen në karantinë janë më të rrezkuarit, sepse janë në kontakt të vazhdueshëm ne personat e prekur nga COVID-19.
Disa nga fotot shpresëdhënëse në këto kohë të vështira janë shpërndarë në rrjete sociale nga mjekët e spitalit infektiv “Nënë Tereza” që tashmë është kthyer në karantinë.
“Ne në reanimacion, ju qëndroni në shtëpi” dhe “Ne nga spitali dhe ju nga shtëpia, t’I heqim kurorën këtij virusi”, janë mesazhet e mjekëve apo infermierëve për të gjithë.
Kërkohet një bashkëpunim I madh nga të gjithë, për ata që janë në shtëpi dhe ata në spital.
Prandaj është një thirrje globale që të qëndroni në shtëpi për të mirën e të gjithë botës.
Urdhri i Mjekëve të Shqipërisë dhe urdhri i Infermierëve ka vlerësuar me një simbolikë të veçantë punën që bluzat e bardha po bëjnë në front të parë në betejën kundër koronavirusit.
"Mjekë dhe infermierë, ndihemi krenarë për punën tuaj në këto ditë pandemike. Faleminderit për ç'ka bëni", lexohet në pankartë
Komente
Lajme të tjera
-
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
U prek nga meningjiti akut, humb jetën 17-vjeçarja nga Durrësi! Familjarët dhe mjekët që e asistuan udhëzohen të vaksinohen
15 Dhjetor, 16:43 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
34-vjetori i themelimit të PD, Meta uron Berishën nga burgu: PD më e bashkuar! 2025 do të jetë viti i një ndryshimi historik
12 Dhjetor, 11:16 -
PD feston 34-vjetorin, Berisha ‘thur lavde’ për dhëndrin, Metën dhe ish-‘miqtë’ e tij të ndjerë Olldashi, Pashko, Hajdari dhe Bogdani
11 Dhjetor, 20:57 -
Mars 2008/ Akuza e rëndë në sallën e kuvendit, Ilir Meta: Ju nuk e dini, por Sali Berisha ka qenë kundër bombardimeve të NATO-s në Kosovë
7 Dhjetor, 11:33 -
'Berisha u ndihmua nga Suel Çela', Haklaj: Ilir Meta me 20 shtëpi, ngre militantët në protestë
6 Dhjetor, 19:37
E bisher e vrate e perrhunuat kete Popull te paditur z.President sebashku me Serbin Sali Lulushka Monika e grupi Ciftelia ! Zoti te denofte Ty te pare..
Përgjigju