POP 5

Lajmet më të lexuara të 5 minutave të fundit

Kosova & Rajoni

Krerët e komiteteve të BE-së thirrje Von der Leyen: Hetoni mashtrimin zgjedhor në Serbi

Më shumë se 20 politikanë të lartë evropianë që merren me politikën e jashtme i kanë bërë thirrje Presidentes së Komisionit Evropian, Ursula von der Leyen, që të hetohen akuzat për parregullsi në zgjedhjet e dhjetorit në Serbi

Më shumë se 20 politikanë të lartë evropianë që merren me politikën e jashtme i kanë bërë thirrje Presidentes së Komisionit Evropian, Ursula von der Leyen, që të hetohen akuzat për parregullsi në zgjedhjet e dhjetorit në Serbi.

Nënshkruesit e letrës të cilët janë 24 persona, duke përfshirë Michael Roth, kryetarin e Komisionit të Punëve të Jashtme të Bundestagut Gjerman dhe homologun e tij francez Jean-Louis Bourlant, i kërkuan Bashkimit Evropian të hetojë në mënyrë të pavarur akuzat për mashtrim dhe të bëjë rekomandime për të garantuar zgjedhje të lira dhe të drejta në Serbi.

“Ne i bëjmë thirrje BE-së të kryejë një hetim të pavarur për të gjitha parregullsitë zgjedhore të raportuara dhe pretendimet për mashtrim”, thuhej në letrën drejtuar Presidentit të Komisionit Evropian, si dhe Presidentit të Këshillit Evropian, Charles Michel dhe Presidentja e Parlamentit Evropian, Roberta Metsola.

Siç thuhet në tekst, “presidenti joliberal i Serbisë” shpalli fitoren në zgjedhjet e dhjetorit, gjë që bëri që dhjetëra mijëra njerëz të dilnin në rrugët e Beogradit duke pretenduar se zgjedhjet ishin vjedhur.

“Në varësi të rezultatit të hetimeve. Qëllimi ynë i përbashkët është ta shohim Serbinë si anëtare të BE-së deri në fund të kësaj dekade”, shtuan ata.

Kërkesa vjen ndërsa Von der Leyen përgatit planet për BE-në, me më shumë se 30 anëtarë.

S.S/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

Homazhet për Kryepiskopin Anastas, në Tiranë pritet delegacion i lartë nga Vatikani, Kishat botërore dhe politikanë të lartë

26 Janar, 22:57