Shpopullimi, Kisha katolike në Shkodër: Shqiptarët po emigrojnë pasi pasuritë e vendit janë përqendruar në pak duar

Dom Artur Jaku i kishës katolike në Shkodër ngriti shqetësimin e madh të shpopullimit të vendit. Ai tha se plaga e emigrimit është më e madhe në veri të vendit. Shkaku kryesor, thekson kleriku, është pabarazia: Pasuritë e vendit sot janë përqendruar në duart e pak njerëzve.

Drejtuesi i kishës “Zoja e Këshillit të Mirë” në Shkodër, dom Artur Jaku pas meshës së shenjtë ngriti shqetësimin e madh për emigracionin. Shqiptarët po emigrojnë, u shpreh kleriku, për shkak se pasuria e vendit është përqendruar në duart e një grupi të vogël njerëzish.

“Këto Ditë në takimet në Marseje, kryefjalë ishte emigrimi. Fenomen që e prek dhe Shqipërinë. Sidomos nga veriu ka largim masiv. Popujt lëvizin, mjafton me pa. Është liria e njeriut për me zgjedh vendet më të mira. Shqiptarët, pse shkojnë për një jetë më të mirë? Shqipëria nuk ka potenciale. Duhet të kuptojmë kush është rrënja e problemit”, tha Artur Jaku, Rektor i Shenjtores “Zoja e Këshillit të Mirë.

Ndërkohë një tjetër shqetësim tha dom Artur Jakun janë dhe emigrantët që vijnë nga vendet e treta drejt Shqipërisë apo jetët e humbura të këtyre emigrantëve në Detin e Mesdheut. Papa Françesku në konferencën për emigrimin në Marsejë të Francës e cilësoi Detin Mesdhe si deti i vdekjes.

“Deti Mesdhe qe dikur ishte vendi i shkëmbimeve kulturore, sot është kthyer në një det të vdekjes. Fatkeqësish, fenomeni i emigracionit, sidomos pjesa ilegale, vdekjeprurës. Po lulëzon tregtia e pa ndershme, korrupsioni, e sidomos tregtia e emigrantëve. Jo vetëm vendet tjera, por dhe në Shqipëri ka tregtim të paligjshëm nga emigrimi i paligjshëm. Përfitojnë nga këta emigrantë që mezi mbahen, jetojnë. Ai det, fatkeqësisht është i mbushur edhe me kufoma të shqiptarëve”, u shpreh Jaku.

Prej kohësh kisha katolike shqiptare bën thirrje në mënyrë që të ndalet emigracioni pasi Shqipëria po shpopullohet çdo ditë e më shumë.

M.T/SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Kisha komuniste: 27/09/2023 17:43

    Barazinë nuk e deshin se donin kapitalizëm. Tani ankoheni për pabarazinë??

    Përgjigju
    • Pa emer: 27/09/2023 21:18

      E ke kupetuar keq ate qe thote kisha te jeshe i pasur dhe te hapesh vende pune nuk ka asgje te keqe problemi eshte se shumica e te pasurve ne Shqiperi nuk Jane si te pasurit ne shtetet kapitaliste.

  • Sondazhi i ditës:

    Jeni dakord me nismën e Kishës Katolike për ndalimin e simboleve komuniste?



×

Lajmi i fundit

Nëntori zhvlerësoi më tej Euron, po këmbehet 101 lekë, edhe Dollari vijon në rënie

Nëntori zhvlerësoi më tej Euron, po këmbehet 101 lekë, edhe Dollari vijon në rënie