Kreu i OBSH-së i shpëton sulmeve të Izraelit në Jemen, ndodhej në aeroportin e Sanas gjatë bombardimit! 2 të vdekur dhe disa të plagosur

Tedros Adhanom Ghebreyesus, kreu i OBSH, i ka mbijetuar sulmit në jemen

Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, mësohet se ishte në aeroportin e Sanaa të Jemenit, kur aeroporti u godit nga sulmet ajrore izraelite ditën e sotme (26 Dhjetor).

Këtë ai e ka pohuar edhe vetë pas ngjarjes.

LEXO EDHE:
Lufta në Gaza/ Sulme në veri, dhjetëra persona në rrënoja! Forcat ajrore izraelite godasin spitalin 'Kamal Adwan', 50 të vdekur, përfshirë 5 mjekë

“Ndërsa ishim gati të hipnim në fluturimin tonë nga Sana’a, rreth dy orë më parë, aeroporti u bombardua nga ajri. Një nga anëtarët e ekuipazhit të avionit tonë u plagos. Të paktën dy persona u raportuan të vrarë në aeroport. Kulla e kontrollit të trafikut ajror, vetëm pak metra nga vendi ku ishim dhe pista u dëmtuan”, tha ai.

Më tej, drejtori i përgjithshëm i OBSH thotë se ekipi i tij do t’i duhet të presë që dëmtimi i aeroportit të riparohet përpara se ata të largohen.

“Unë dhe kolegët e mi të OKB-së dhe OBSH-së jemi të sigurt. Ngushëllimet tona të përzemërta për familjet, të dashurit e të cilëve humbën jetën në sulm”, u shpreh ai.

Ushtria izraelite tha se kishte goditur objektiva të shumta të lidhura me lëvizjen Houthi të lidhur me Iranin në Jemen të enjten, duke përfshirë Aeroportin Ndërkombëtar Sanaa dhe tre porte përgjatë bregut perëndimor.

Sulmet goditën stacionet e energjisë Hezyaz dhe Ras Kanatib të Jemenit, si dhe infrastrukturën ushtarake në portet e Hodeidah, Salif dhe Ras Kanatib, shtoi ushtria izraelite.

TAG:
• Tedros Adhanom Ghebreyesus
• OBSH

Sondazhi i ditës:

Si ka qenë për ju viti 2024?

• I mirë

  44.2%

• I keq

  22.7%

• As i mirë as i keq

  33.1%

Vota total: 1503

Votat totale janë unike

• Sondazhi i ditës:

  Si ka qenë për ju viti 2024?

  I mirë I keq As i mirë as i keq