Kreu i OSBE Rauning: Reforma në
 drejtësi thelbësore për të ardhmen

Reforma në drejtësi është thelbësore për të ardhmen e vendit dhe përmirësimin e situatës në këtë fushë. Në këtë pikë kanë qenë pothuajse dakord të gjithë ekspertët që kanë punuar për hartimin e platformës që po diskutohet për këtë reformë, por edhe ambasadorët e prezencës së OSBE-së dhe i  Gjermanisë në vendin tonë.

Në takimin që është mbajtur për këtë qëllim në një nga mjediset e Universitetit “Aleksandër Mosiu” në Durrës, kreu i prezencës së OSBE-së Florian Rauning tha se kjo reforma duhet të përfshijë të gjitha hallkat e diskutimit dhe të vihet në zbatim, pasi drejtësia e vonuar është drejtësi e gabuar. Ai ofroi mbështetjen e OSBE-së për Kuvendin e Shqipërisë në lidhje me reformën në drejtësi.

Ambasadori i Gjermanisë, Helmut Hoffman është shprehur se  janë të pakta rastet e dënimit të ndonjë gjyqtari a prokurori në vendin tuaj, ndërsa ka shtuar se korrupsioni është një problem që shqetëson çdokënd, madje edhe biznesmenë dhe investitorë gjermanë që kanë investuar në Shqipëri.

Në këtë takim kanë marrë pjesë edhe shumë pedagogë dhe studentë të Universitetit “Alesandër Mosiu”, të cilët kanë pyetje të llojeve të ndryshme. Ekspertët e nivelit të lartë që janë marrë me këtë platformë, Gent Ibrahimi, Ilir Panda dhe Artan Hoxha janë përgjigjur për pyetjet që janë bërë, ndërsa përfaqësuesja e Euralius ka folur rreth rëndësisë që ka zbatimi i platformës për reformën në drejtësi.

Redaksia Online
(f.s/shqiptarja.com) 

TAG:
• OSBE