POP 5

Lajmet më të lexuara të 5 minutave të fundit

Politikë

Ish zv/ministri i Jashtëm i Greqisë viziton Fredi Belerin në burgun e Fierit: Kështu Shqipëria s'ka shanse t’i bashkohet BE

Kreu i Partisë së Demokratëve në Greqi, Andreas Lloverdhos, i shoqëruar nga Kreu i PBDNj - së Vangjel Dule vizitoi në burgun e Fierit kryetarin e zgjedhur të bashkisë Himarë Fredi Beleri ku po vuan dënimin prej 5 marsit 2024.

FIER- Kreu i Partisë së Demokratëve në Greqi, Andreas Lloverdhos, i shoqëruar nga Kreu i PBDNj - së Vangjel Dule vizitoi në burgun e Fierit kryetarin e zgjedhur të bashkisë Himarë Fredi Beleri ku po vuan dënimin prej 5 marsit 2024.

Pas daljes nga ambientet e paraburgimit të Fierit, Lloverdhos i cili ka pasur dhe postin e ish-ministrit të Arsimit, Shëndetësisë dhe ish- Zv.ministër i Jashtëm i Greqisë, dha një prononcim të shkurtër për mediat duke nënvizuar se në Shqipëri nuk ekziston sundimi i ligjit. 

'Erdha dhe vizitova zotin Beleri. Dhe doja të bëja këtë deklarim. Si një profesionist i ligjit dhe avokat dhe si politikan doja të nënvizoja se në këtë vend në Shqipëri, sundimi i ligjit është inekzistent. Lidhur me çështjen e Belerit doja të thoja se nën këto kushte institucionale negative, Shqipëria nuk ka shanse t’i bashkohet Bashkimit Europian.'  

Më 5 mars 2024 trupi gjykues i GJKKO-se i përbërë nga Erjon Çela, Flora Hajredini dhe Irena Gjoka e shpalli fajtor Fredi Belerin për akuzën e korrupsionit aktiv në zgjedhje dhe e dënoi me 2 vjet burg,  nga 2 e 6 muaj që  kishte kërkuar SPAK.

Avokatët e Belerit e kanë çuar çështjen në gjykatë Kushtetuese pasi Beleri kërkon të betohet se kryetar bashkie i Himarës, gjë që është refuzuar nga gjykatat e tjera

Seanca e planifikuar të mbahej sot u shty. 

G.K/S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Dua Lipa shkëlqen në ceremoninë e ndarjes së çmimeve ‘Time 100’

Dua Lipa shkëlqen në ceremoninë e ndarjes së çmimeve ‘Time 100’

27 Prill, 12:33