/ATSH-AFP/ - Sekretari amerikan i Mbrojtjes, Ashton Carter zhvilloi sot një vizitë në Kurdistanin irakian ku u takua me presidentin e këtij rajoni autonom të Irakut, Massoud Barzani, në ditën e dytë të vizitës së tij në Irak destinuar vlerësimit të përpjekjeve në luftën kundër grupit të Shtetit Islamik.
Pak pas mbërritjes në Erbil, kryeqyteti i këtij rajoni autonom në veri të Irakut, Carter u takua me Barzanin në praninë e disa drejtuesve të lartë kurd.
Avancimi i xhihadistëve të Shtetit Islamik drejt Erbilit në gusht të vitit 2014 ishte cituar nga presidenti amerikan, Barack Obama si një prej arsyeve të angazhimit të Uashingtonit në luftën kundër grupit ekstremist në Irak.