Altin Dumani: Indiferent ndaj sulmeve të politikanëve, SPAK s'mban grafikë ndaj kujt ushtron ndjekje penale! Rëndësi kanë provat, jo emri! Në Sky gjetëm lidhjet e krimit me politikanë e zyrtarë

Kufizimi i lirisë së tij individuale dhe familjare, por edhe i kolegëve të tij prokurorë për shkak të detyrës, ishte një nga pengjet që kreu i SPAK, Altin Dumani, u shpreh se kishte.

"Dua të falenderoj me përulësi prokurorët e SPAK hetuesit, hetuesit financiarë e të gjithë ata që punojnë për përkushtim dhe sakrificë në përmbushjen e kësaj detyre. Mirënjohje

Dua të falenderoj familjen time. Nuk është e lehtë të jesh prokuror, për më tepër drejtues në Prokurorinë e Posaçme. Është e vështirë në ambientin shqiptar të përmbushësh me profesionalizëm. 

Veten patjetër e kam kufizuar dhe sakrifikuar, por nga ana tjetër edhe familja ime po sakrifikon. Është e kufizuar në jetën e saj, lirinë e saj. Dhe familjet e prokurorëve janë të kufizuar në lirinë e tyre.

Kur shkoj nga shtëpia për në punë në mëngjes, se natën kthehem vonë e nuk shoh gjë, nga dritarja e automjetit shoh  njerëzit që lëvizin lirshëm, mua më vjen pyetja a do të vijë ajo kohë që unë, familja ime, kolegët e mi dhe familjet e saj të lëvizin lirshëm?

Përgjigjja ime është që unë pavarësisht përgjegjësive është një punë që kemi zgjedhur ta bëjmë e do ta bëjmë me përkushtim.  Dua të falenderoj familjen që më duron e më mbështet pavarësisht kostove që kanë marrë përsipër" tha Dumani.

Kreu i SPAK, Altin Dumani ka dhënë një intervistë në për emisionin “3D nga Alban Dudushi” në RTSH.

Pjesë nga intervista

Ka çështje të tjera në vijim?

Altin Dumani: Ne nuk kemi marrë. Nuk kemi mbyllur zyrat e nuk do të ketë çështje. Kjo është puna jonë. Të hetojmë. Në momentin që hetimi maturohet dhe niveli I provave është i maturueshëm për të proceduar me masë sigurimi apo të pandehur në gjëndje të lirë do të keni lajme. Ne në punë jemi.

Ka pasur zëra që duke nisur nga janari do të filloni të ulni tempin për shkak të fushatës elektorale duke qenë se janë zgjedhjet në pranverë?

Altin Dumani:  “Nëse krimi e merr pushim gjatë fushatës elektorale ne e ulim tempin. Cdo lloj krimi. Krim është dhe korrupsion në zgjedhje, edhe korrupsioni i zyrtarëve. Ne jemi në përmbushje të funksioneve tona. Nuk varemi as nga kushtet e motit as oreksi I rrymave të ndryshme që mund të jenë në vend

Edhe një vit  mandat si kreu i SPAK po pastaj?'

Altin Dumani:   Do vijoj të jem prokuror në prokurorinë e posacme. Do të kem më shumë mundësi të jem në sallën e gjyqit. Atje ndihem më mirë atje sesa këtu, në studio. Do të vijoj normalisht funksionin e prokurorit.

Dumani ka vënë në dukje se nisur nga të dhënat e përftuara nga SKY EÇ u krijua një panoramë më e qartë e krimit të organizuar shqiptar, “të shtrirjes gjeografike, të aktiviteteve të synuara të krimit të organizuar shqiptar, të aleancave me grupet e tjera kriminale jo shqiptare, të fuqisë financiare”

“Sky ECC është një ndër provat e trajtuara gjatë fazës së hetimit paraprak. Por edhe bashkëpunimi në kuadër të SKY ECC është një tjetër tregues i nivelit të zbatimit të ligjit kanë te SPAK dhe që i dhanë mundësi SPAK-ut të punojë me prova të kësaj natyre, falë edhe të dhënave të përfituara nga SKY, ne tashmë kemi një panoramë më të qartë të krimit të organizuar shqiptar, të shtrirjes gjeografike, të aktiviteteve të synuara të krimit të organizuar shqiptar, të aleancave me grupet e tjera kriminale jo shqiptare, të fuqisë financiare të tyre.

Gjithashtu procedimet penale kur përdorëm SKY na dhanë mundësi të ekspozonim lidhjet e krimit të organizuar me politikën, me gjyqtarë, me prokurorë, me funksionarë të lartë policie dhe me përfaqësues të lartë të administratës”, u shpreh Dumani për emisionin “3D”.

Vizita e Brazilit?

Altin Dumani: "Patëm një vizitë të suksesshme. Këtu është ndihma e SHBA-së. Ishte departamenti i drejtësisë që financoi dhe përfaqësues të DEA-s siguruan kontaktet tona me personat kompetentë. U suprizova nga gadishmëria e tyre.

Grupet kriminale shqiptare janë prezente në shumë shtete të Amerikës Latine. Për të qenë dorë e parë për blerjen e kokainës për t‘u kujdesur për rrugën e transportit të kokaiës në Europë. Strukturat kriminale shqiptare janë të mbyllura, 10 – 15 – 7 vetë që veprojnë të mbyllura.

Janë  grupe shumë të organizuar, shumë eficentë dhe dinë të bëjnë tregti."

....Grupet e krimit shqiptar preferojnë portet europiane.

Altin Dumani, vuri theksin dhe te lufta ndaj krimit të organizuar që po zhvillon SPAK-u, pasi krimi i organizuar shqiptar është i përhapur thuajse në të gjithë Evropën, madje deri në Amerikën Latine.

“Krimi i organizuar shqiptar është i orientuar kryesisht drejt trafikimit të drogave të forta. Nuk është problem vetëm për Shqipërinë, por edhe për shumë vende në Evropë, deri në Amerikën Latine. Kemi shtuar bashkëpunimin ndërkombëtar. Kemi bashkëpunim me Italinë, kemi grupe të përbashkëta hetimore. I kemi dhënë goditje të mëdha krimit të organizuar.

Kemi bashkëpunim me Belgjikën, Francën, Gjermaninë, Anglinë, por dhe Kosovën, Maqedoninë e Veriut, Malin e Zi etj. Shumë figura të larta të hetimit ndërkombëtar kanë vizituar SPAK. Kemi shumë punë për të bërë dhe ka nevojë për intensifikim dhe duke pasur parasysh këtë nivel bashkëpunimi besoj se do të ketë goditje të tjera. Ne kemi bërë një analizë për grupet kriminale të organizuara për fuqinë e tyre financiare. Fusha më e preferuar është investimi në pasuritë e paluajtshme, ndërtim, hoteleri etj. Kemi sekuestruar 6 milionë euro kesh gjatë këtij viti.”, tha Dumani në RTSH.

Pse refuzuat Komisionin Xhafaj?

Altin Dumani: Nuk quhet refuzim. SPAK-ut iu kërkuan dy prokurore. Ne vendosem unamisht që nuk duhen derguar. Në mënyrë unanime vendosëm që nuk duhet të dërgojmë prokurorë. SPAK ka paraqitur të gjithë propozimet e nevojshme për ndryshimet ligjore. SPAK raporton rregullisht në KLP e kuvend. Ka bërë të ditura problematikat, sugjeruar zgjidhjet. Përmbushim detyrimet si institucion. Raportojmë cdo muaj në ministrinë e Drejtësisë.

Se çfarë bën politika në të ardhmen në raport me SPAK nuk mund ta parashikoj, por deklaroj se ne si institucion jemi të motivuar të zbatojmë funksionet tona me çështje konkrete e të vëmë para përgjegjësië penale cilindo që kapet në shkelje të ligjit.

Sipas Dumanit, ai bashkëpunon me agjencitë e SHBA-ve që prej vitit 2003 dhe ka konstatuar se SHBA është e interesuar më shumë për të ndërtuar institucione të shëndosha dhe jo te individët.

“E kam dëgjuar edhe këtë që mbështetet Altin Dumani. Kam një përvojë shumëvjeçare me agjencitë e SHBA-ve, me OPDAT, ICITAP, DEA-n dhe FBI që në vitin 2003. Jam zgjedhur anëtar i task-forcës së parë kundër krimit të organizuar që u krijua.

Kam konstatuar se SHBA-të janë të interesuara për të ndërtuar institucione të shëndosha demokratike sesa për individë të veçantë. Në këtë përvojë timen shumëvjeçare nuk ka pasur asnjë edhe një rast të vetëm që përfaqësuesit e Shtetet e Bashkuara të Amerikës të ndërhyjnë hetimet tona, të drejtojnë apo orientojnë hetimet tona”, vuri në dukje Dumani.

Ai shpjegoi gjithashtu edhye bashkëpunimin e gjerë dhe ndihmën që kanë dhënë agjencitë amerikane për Strukturën e Posaçme.

“SPAK ka një bashkëpunim shumë të mirë me Shtetet e Bashkuara të Amerikës, me misionet e OPDAT, ICITAP, DEA-n dhe me FBI-në. Ata kanë kontribuar në rritjen e institucionit në bërjen funksionale të institucionit. Shtetet e Bashkuara të Amerikës përmes këtyre misionevë që unë thashë, kanë qenë prezent që në momentin që është dizajnuar SPAK-u në ligj. Më tej kanë qenë prezent në përzgjedhjen e prokurorëve të Prokurorisë Posaçme, në përzgjedhjen e hetuesve të Byrosë Kombëtare të Hetimit, në përzgjedhjen e drejtuesve të Prokurorisë së Posaçme.

Na kanë mbështetur me trajnime, ne dhe hetuesit e Byrosë Kombëtare të Hetimit. Na kanë mbështetur me mjete teknike, me infrastrukturë, me qëllim që të krijohen kushtet për ushtrimin e funksioneve tona. Kemi prezencë të FBI-së në zyrat tona, na është premtuar se edhe DEA do hapë në Tiranë.  Ne kemi hetime të përbashkëta me SHBA-në, me FBI-në dhe me DEA-n. Hetime të përbashkëta ku cenohen interesat e dy shteteve tona. Dua t’i falënderoj SHBA-në, përfaqësuesit e  OPDAT, ICITAP, DEA-n dhe FBI për mundësinë që na kanë dhënë që të kemi kontakte me agjenci të ndryshme të zbatimit të ligjit në Europë por sidomos në Amerikën Latine”, tha Dumani.

Arrestimi i Metës,a është kryer sipas rregullave?

Altin Dumani: Nuk kam asnjë koment. SPAK nuk ekzekuton masat e sigurimit. I ekzekuton policia e shtetit.

Kreu i SPAK-ut, Altin Dumani, deklaroi jo vetëm fushat me përparësi të jetimit që po ndjek institucioni që ai drejton, por se përballja me korrupsionin dhe krimin e organizuar ka bërë që të sekuestrohen deri tani 150 milionë euro pasuri të vëna nëpërmjet korrupsionit dhe krimit.

“Tre janë përparësitë e SPAK-ut: lufta kundër krimit të organizuar, korrupsionit dhe terrorizimit. Momentalisht jemi fokusuar në luftën kundër korrupsionit dhe krimit të organizuar. SPAK deri tani ka dëshmuar se është në gjendje të ushtrojë ndjekjen penale ndaj çdo subjekti, pavarësisht pozitës së tij. Sado iu lartë që ketë qenë apo është ai.

Ne këtë po e bëjmë me prova dita- ditës. Kemi ushtruar hetime në disa nivele të larta, të mesëm, si dhe funksionarë të ndryshëm në nivel lokal dhe qendror. Lidhur me krimin e organizuar, që më parë as mendoheshin se do hetoheshin, kemi një bilanc ku janë sekuestruar 150 milionë euro asete, një shumë kjo e madhe. SPAK-u ka goditur thellë kulturën e pa ndëshkueshmërisë.

.... Vetëm këtë vit kemi sekuestruar 6 milionë euro CASH. N ga 19 dhjetor 2019 deri në ditën që flasim është 150 milionë euro.”, tha Dumani.  

Kreu i SPAK, thotë se nuk i ka ndjekur sulmet e panumërta të publikuara në media nga kreu i PD-së Berisha dhe ai i PL0-së Ilir Meta.

 Ai nënvizoi se ngarkesa që ka në punë e bën thuajse të pamundur që të ndjekë deklaratat politike kundër tij dhe punës që ai kryen.

“Realisht është hera e parë që dëgjoj. Info kam marrë. Vetë për shkak të kohës së kufizuar nuk kam kohë t'i ndjek deklarimet politike. Marr info nga stafi. Sidomos për kritikat reflektive.

Jemi të vemendshëm për denoncimet korruptive. Hera e parë që i dëgjoj. Qendrimi im është indiferent. Jam prokuror i SPAK.

Çdo ditë të jetës sime, në këtë detyrë, vetëm jam kujdesur të zbatoj ligjin. Do vazhdoj kështu sa të kem frymë. Sulmet politike i përballoj. Jam shumë i ftohtë. Nuk kam emocion”, tha Dumani.

Kryetari i SPAK iu përgjigj dhe akuzave të Berishës se ai vetëm rrogën e shtetit, ndërsa bashkëshortja merrej me përkthim disponon tre apartament.

Tre apartamentet?

"Berishës nuk i jap përgjigje por i jap publikut, taksa paguese shqiptarë. Çdo pasuri e imja eshte e verifikuar ne detaj në një proces hetimi administrativ rigoroz nga institucionet e vetingut. Nuk kam asgjë për të fshehur. E kam të deklaruar çdo të ardhur të jetës. Cdo gjë është produkt i punës 25 vjecare të familjes time. Një kredi është marrë në 2006 me të cilën kam blerë një nga pronat e mia në kohën kur ka qenë Berisha.

Pasuritë i kam patjetër. Ato janë të deklaruara. Dy janë para vitit 2013, 1 pas vitit 2013. Mua më njohin shumë mirë. Kurrë, kurrë në jetën time nuk kam pranuar jo përfitim të parregullt, jo rryshfet por qoftë dhe një dhuratë që tejkalon shumën prej 100 dollarë që është detyrim ligjor. E kam bërë pakt me veten e familjen time. Unë e dua punën time. E bëj me mish e shpirt.' tha Dumani në intervistë  për RTSH.

Çfarë tha Sali Berisha për Dumanin mbrëmjen e 10 Nëntorit...?

Ish-kryeministri Sali Berisha e sulmoi kreun e SPAK për pasurinë mbrëmjen e 10 nëntorit, në fjalimin e radhës nga ballkoni i shtëpisë, para mbështetësve të tij. Ai i përmendi 3 apartamente që i ishin gjetur tetë vite më parë, të bëra me rrogën e tij, duke ngritur dyshime dhe pyetje.

Ja çfarë deklaroi Berisha:

“...Ku do shkosh ti, që mbron hajdutin, kriminelin, banditin që korruptoi vendin mik dhe aleat, shefin e kundërzbulimit, vetëm e vetëm për të nënshtruar opozitën. Çfarë fytyre ke ti, ti s’ke fytyrë! Ti ke fytyrën e zezë të këpucëve të Edoi Ramës dhe asgjë tjetër. Ti faqezi që drejton një organizatë kriminale politike në SKAPIN e Partisë. Mbyll dosjet e Edi Ramës, ministrave të tij, zyrtarëve të tij, vëllaut të tij, që burgos deputetët e opozitës, zvarrit ish-president para të cilëve je betuar në Kushtetutë, o i pafe dhe i pamoral! Të gjitha këto i bën se je një hajdut ordiner. Të gjitha këto i bën se 8 vite më parë, jo tani, je gjetur me 3 apartamente me rrogën tënde. Po cili shqiptar mund të bëjë 3 apartamente, cili kriminel të dha ty paratë për t’u bërë me 3 apartamente?!” .

Sipas Dumanit, janë hapur hetime brenda SPAK-ut ndaj gjithkujt që ka bërë të mundur rrjedhjen e sekretit hetimor.

Dumani vuri në dukje se kushdo që “bën të mundur rrjedhjen e informacionit apo kryen një vepër tjetër penale, do vendoset para përgjegjësisë penale”.

 “Sa i takon rrjedhjes së sekretit dhe gazetarët e kronikës janë dëshmitarë që është minimizuar shumë falë edhe masave të marra si institucion. Kemi hapur edhe hetime, aty brenda nesh për njëri-tjetrin për prokurorë, për hetues, kushdo që ka qenë në kontakt me informacionin i cili ka rrjedhur.  Ju garantoj që nëse ka prokurorë të prokurorisë së Posaçme, hetues të Byrosë Kombëtare të Hetimit, i cili bën të mundur rrjedhjen e informacionit apo kryen një vepër tjetër penale, do vendoset para përgjegjësisë penale. Kjo nuk diskutohet. Raporti nuk është përfundimtar, ka çështje që janë në hetim në lidhje me sekretin hetimor edhe nga brenda nesh”, tha Dumani për emisionin “3D”.

Këtë të premte kreu i SPAK, Altin Dumani ka dhënë një intervistë në për emisionin “3D nga Alban Dudushi” në RTSH. 

Pyetje: Sulmet ndaj jush I kishe marrë parasysh?

Altin DumanI “E kisha marrë parasysh por nuk e kisha në konsideratë kaq shumë shkallën. Politika sa kohë që ngelet në kuadrin e retorikës nuk më shqetëson. Prokurorët kanë maturinë e duhur për të përballuar sulmet politike duhet të jemi të vëmendshëm kur politika merr masa ligjore. Sa i takon retorikës politike indiferent. Sa i takon kërcënimeve nga krimi I organizuar jemi të shqetësuar. Kanë qenë të shumta rastet kur janë kërcënuar. Krimi i organziuar shqiptar është shumë I rrezikshëm. Nuk e themi vetëm ne.

Kreu i SPAK, Altin Dumani u shpreh se SPAK ka ushtruar ndjekjen penale për funksionarë shumë të lartë dhe këtë po e bëjmë me prova dita-ditës.

“Sa i takon korrupsionit, besoj se SPAK ka demonstruar  këto vite se është në gjendje të ushtrojë ndjekjen penale ndaj çdo subjekti pavarësisht pozitës së tij, profilit tij, sado i lartë të jetë, ne po e bëjmë me prova dita-ditës.

Ju e dini se SPAK ka ushtruar ndjekjen penale për funksionarë shumë të lartë, të nivelit të mesëm, të nivelit të ulët, ish-gjyqtarë, ish-prokurorë, për kryetarë bashkish, ish-kryetarë bashkish, anëtarë të Kuvendit të Republikës së Shqipërisë, funksionarë shumë të lartë policie”, shpjegoi kreu i SPAK-ut për emisionin “3D” të Alban Dudushit në RTSH1 .

Dumani theksoi se SPAK ka goditur organizata kriminale që më parë as mendohej të prekeshin.

“Sa i takon krimit të organizuar ka treguar në këto vite se në bashkëpunim me partnerët ndërkombëtarë të ushtrojë ndjekjen penale ndaj grupeve të strukturuara kriminale dhe organizatave kriminale që më parë as që mendohej të prekeshin por sot është realitet”, tha më tej Dumani.