Ministrja e Bujqësisë dhe Zhvillimit Rural, Frida Krifca ka përshëndetur hapjen në Lushnje të panairit ndërkombëtar “Ditët e Bujqësisë 2023”. Panairi, i cili ka në fokus bujqësinë, blegtorinë, peshkimin dhe inovacionin, ka si mbështetës kryesor Ministrinë e Bujqësisë. Ministrja Krifca tha në fjalën e saj se, “Bujqësia shqiptare ka pasur në vitin 2022 dhe vitin 2023 një mbështetje të veçantë nga ana e qeverisë.
“Sot, pak ditë pasi aplikimi për skemën kombëtare është mbyllur, konstatoj me kënaqësi se rreth 69 mijë fermerë kanë aplikuar për mbështetje në 9 masat e shpallura këtë vit. Dje ne filluam bashkëbisedimin për të finalizuar procedurat për hapjen e programit të ri IPARD III i cili do të injektojë 146 milion Euro në bujqësinë shqiptare deri në vitin 2027.
Përtej masave të aplikuara në programin IPARD II për investime të në infrastrukturë bujqësore dhe agropërpunuese, në programin IPARD III do të mbështesim raca autoktone, të rivitalizojnë agrosistemet tradicionale, si për shembull ullishtat tradicionale, të rrisin sipërfaqet e certifikuara apo të shfrytëzojnë në mënyrë të qëndrueshme i kullotat, burimet peshkore dhe të akuakulturës”. Këtë herë i drejtohemi në mënyrë të dedikuar sektorëve të rinj që marrin fokus kryesor të tillë si: sektori i Ullirit dhe vajit të Ullirit; bimët mjekësore dhe aromatike dhe përpunimi i produkteve të peshkimit etj.
Ajo ftoi fermerët të shohin me prioritet sektorë të rëndësishëm si ai i prodhimit dhe përpunimit të ullirit, bimë mjekësore dhe aromatike dhe produktet e peshkimit”.
Minstrja Krifca bëri të ditur për fermerët risitë e bashkëpunimit me Bankën Botërore, duke theksuar se ka filluar aplikimi i një një projekti të ri që jep zgjidhje inteligjente të problemeve që has sot bujqësia jonë”. Ato janë:
· rritja e aksesit në ujitje, e cila përdor në mënyrë optimale ujin,
· ulja e kostove të ujitjes dhe kullimit, përmes përdorimit të energjisë alternative,
· përdorimi i bujqësisë inteligjente për uljen e kostove të prodhimit përmes përdorimit të sensorëve,
· tregjet për fermerët e vegjël dhe lidhjen e tyre me hotelet dhe restorantet e zonës,
· Promovimin e produkteve tipike etj.
Këto mundësi dhe teknika të reja do të aplikohen para së gjithash në zonën e Lushnjës dhe Divjakës, ku do të rivitalizohet një pjesë e skemës ujitëse së Lushnjës dhe do të aplikohet ujitja me presion për 500 ha në zonën e Divjakës.
Ministrja Krifca theksoi se, “Ne projektojmë bujqësinë shqiptare përpara, duke ofruar më shumë mundësi, investime, infrastrukturë, por edhe informacion e dije. Që prej dy javësh ju keni në dispozicion dritaren më të rëndësishme të informacionit për bujqësinë.
Portali i fermerit është një instrument unik digjital, në mbështetje të fermerëve e blegtorëve. Ju keni në telefonin tuaj të gjithë informacionin tokat me qira, skemat e mbështetjes, ekstensionin, farmacitë bujqësore dhe veterinare, etj”.
Panairi “Ditët e Bujqësisë 2023” zhvillohet me 27-28-29 Prill dhe do të jetë një urë lidhëse mes bizneseve, profesionsitëve dhe mundësive të reja të zhvillimit të agrikulturës, peshkimit dhe blergtorisë.
Në të treja ditët e panairit, fokusi kryesor do të jetë eksporti i prodhimeve bujqësore, bujqësia e qëndrueshme si dhe rritja e standarteve të agrobizneseve dhe sektorëve të tjerë të përfshirë. Ministria Me mbështetjen e aktorëve kryesorë të sektorit si Ministria e Bujqësisë dhe Zhvillimit Rural, Bashkia Lushnje dhe donatorët si: EBRD me projektin AATSF, GIZ Albania, Risi Albania do të organizohen aktivitete informuese dhe interaktive gjatë gjithë ditëve të panairi.
Lajme të tjera
-
Akti Normativ/ Punonjësit me paga të ulta në administratë do marrin shpërblim! Qeveria i jep kredi Albcontrol, shkurton fondet për institucionet
21 Dhjetor, 14:34
-
Murtaja Afrikane e Derrave në Shëngjin, del nga karantina pas 21 ditësh zona e Malit të Rrencit! Ministria: Nga 25 nëntori s'ka asnjë rast të ri
16 Dhjetor, 15:31 -
Nafta për fermerët, deri në fund të gushtit subvencioni arriti 3.9 milionë euro
5 Dhjetor, 07:50 -
Bizneset më shpesh në dyert e bankave, morën 564 mln euro kredi më shumë se vjet! 1/3 e huasë shkoi tek tregtia me shumicë e pakicë, bujqësia në vendnumëro
28 Nëntor, 16:56
-
Ministria e Bujqësisë: Nuk ka raste të reja të gripit të shpendëve, aktiviteti tregtar i rikthehet normalitetit
19 Nëntor, 15:56 -
Fondet e BE-së për bujqësinë, Basha: Korrupsioni dëmtoi fermerët! Programi i Demokratëve Euroatlantikë me subvencione të drejtpërdrejta
16 Nëntor, 11:30 -
Kur do të zhbllokohen fondet e IPARD? Përgjigjet ministrja Denaj: Po plotësojmë kërkesat, pas korrikut 2025 do dërgojmë dokumentet për aplikim
13 Nëntor, 16:59 -
Skema e TVSH-së në bujqësi shkakton debate në Komisionin Ekonomisë/ Braçe-Denaj: Ka 6 vjet që bëni studime! Ministrja: Gati ta rishikojmë tatimin
13 Nëntor, 16:33
-
Buxheti do rishikohet për herë tretë në dhjetor, Ministria e Bujqësisë kërkon 2 mld lekë për të likuiduar fermerët që kanë aplikuar për Skemën Kombëtare
13 Nëntor, 16:04
-
Nga kivano tek dora e Budës dhe papaja, Irakli Shkoza vazhdon të guxojë me frutat ekzotike: Fermerët duhet të rrezikojnë
6 Nëntor, 22:11
-
Gripi i shpendëve, Ministria e Bujqësisë: Asnjë person i prekur! Gjatë fundjavës u monitoruan 2304 ferma me rreth 97 mijë shpendë
4 Nëntor, 09:36 -
Buxheti për Bujqësinë rritet vetëm me 6,7 milionë euro më 2025-ën, në rënie financimi i huaj
3 Nëntor, 16:47
