Krijimi i komunave serbe, Gjykata: 
Bie në kundërshti me kushtetutën

Krjimi i komunve me shumicë serbe në Kosovë bie në kundërshtim me Kushtetutën e Republikës së Kosovës ndaj dhe krjimi i një asosacioni të tillë është i kundraligjshëm.

Ky është përfundimi i nxjerrë nga Gjykata Kushtetuese e Kosovës, pas kërkesës së Presidentja e Kosovës, Ahtifete Jahjaga i ka bërë asaj për shqyrtim të kësaj çeështje e cila ka ndezur debatin mes pozitës dhe opozitës në Kosovë.

“Gjykata mori vendim që të konstatojë që parimet, siç janë elaboruar në “Asociacioni/Bashkësia i komunave me shumicë serbe në Kosovë - Parimet e përgjithshme/Elementet kryesore”, nuk janë tërësisht në përputhshmëri me frymën e Kushtetutës, me nenin 3 (Barazia para Ligjit), paragrafi 1, me Kapitullin II (Të Drejtat dhe Liritë Themelore) dhe me Kapitullin III (Të Drejtat e Komuniteteve dhe Pjesëtarëve të tyre) të Kushtetutës së Republikës së Kosovës”, thuhet në vendimin e Gjykatës Kushtetuese.

Po ashtu, Gjykata Kushtetueseka konstatuar se akti juridik i Qeverisë së Kosovës dhe statuti që implementon parimet, për të qenë në pajtueshmëri me frymën e Kushtetutës, me nenin 3 që është barazia para ligjit, kapitulli 1, të drejtat dhe liritë themelore, dhe me kapitullin III, të drejtat e komuniteteve, duhet të plotësojë standardet kushtetuese dhe duhet të jenë në pajtueshmëri posaçërisht me nenet 3, 7, 12, me kapitullin II, për të drejtat dhe liritë themelore, me nenet 21 dhe 44 me kapitullin III, për të drejtat e komuniteteve, me nenet 57, 59, 60, 61 dhe 62, si dhe me nenet 79, 81, 93, 101, 113, 123, 124 dhe 137 të Kushtetutës së Kosovës.

Marrëveshja për krijimin e një Asosacioni të Komunave me shumicë Serbe u miratua nga qeveria, por që hasi në rezistencën e fortë të partive politike opozitare duke theksuar se kështu në Kosovë rikthehet Serbia.


Redaksia Online
(F.T/shqiptarja.com)