Kryeministri Edi Rama dhe ai i Kosovës Albin Kurti, duket se kanë 'ulur gjakrat', duke shprehur gatishmëri të plotë për të gjetur rrugën e bashkëpunimit në të mirë të të dy vendeve. Në një letër urimi dërguar Ramës për krijimin e qeverisë së re, Kurti nuk heziton ta ftojë atë të vizitojë Kosovën.
"Duke ju uruar suksese gjatë mandatit tuaj qeverisës dhe me kënaqësinë që shkëlqesia juaj të vizitojë Kosovën në një kohë të përshtatshme për Ju, e të fillojmë përgatitjet për mbledhjen e përbashkët të të dy qeverive, pranoni përshëndetjet më të sinqerta dhe konsideratën më të lartë", thuhet në letrën e Kurtit dërguar Ramës.
Kësaj ftese Rama iu përgjigj menjëherë pozitivisht, duke konfirmuar praninë e tij në Kosovë menjëherë pasi të kthehet nga Asmableja e OKB. Në një mendje të dy liderat janë treguar sa i përket zhvillimit të një mbledhje të përbashkët të të dy qeverie sa më shpejt.
Në letrën e tij, Kurti shkruan se ky mandat i tretë i Ramës, është po ashtu mundësi e tretë për të realizuar projekte që priten nga shqiptarët në të dy anët e kufirit. Kurti tregohet i gatshëm për të bashkëpunuar për të rritur bashkëpunimin ekonomik dhe shkëmbimit tregtar.
"Ky mandat i tretë është po ashtu mundësi e tretë për të realizuar projekte të cilat kaherë priten nga shqiptarët në të dy anët e kufirit. Rritja e bashkëpunimit ekonomik dhe e shkëmbimit tregtar dhe integrimi i tregut duke hequr barrierat mes shqiptarëve në radhë të parë paraqesin mundësi të shkëlqyer, për realizimin e të cilave qeveria ime dhe unë mbetemi në gatishmëri të plotë", shkruan Kurti.
Po ashtu ai ofron mbështetje në përballimin e pandemisë së COVID-19.
"Mandati juaj i tretë vjen në një kohë me plot sfida. Përballja me COVID-19, rimëkëmbja e ngritja ekonomike dhe zhvillimi e konsolidimi i institucioneve demokratike janë vetëm disa nga sfidat të cilat kërkojnë angazhimin tuaj maksimal. Sfida këto në të cilat, Republika e Shqipërisë mund të llogarisë në mbështetjen e pa rezervë të Qeverisë së Republikës së Kosovës", thotë kryeministri i Kosovës.
Marrëdhëniet Kurti-Rama nuk kanë qenë asnjëherë të lehta, ku tensionet nuk kanë munguar për çështje të ndryshme, por pavarësisht këtyre duket se nuk mungojnë përpjekjet për të gjetur gjuhën e përbashkët. Forcimi i marrëdhënieve me Kosovën është edhe pjesë e programit të qeverisë 'Rama 3'.
(Kliko këtu për letrën nga Kryeministri Kurti për Kryeministrin Rama)
Kryeministri Edi Rama i është përgjigjur urimit të homologut të tij Albin Kurti, ndërsa konfirmon se do të vizitojë Kosovën menjëherë sapo të kthehet nga Asambleja e OKB. Po ashtu Rama thotë që të fillojnë përgatitjet për të zhvilluar mbledhjen e përbashkët mes dy qeverive, ndërsa shprehet besimplotë se do të kryhen punë të mira në dobi të të dy shteteve.
"Faleminderit Albin Kurti! Patjetër do ta vizitoj me shumë kënaqësi Kosovën, me t'u kthyer nga Asambleja e OKB! Le t'ia nisim menjëherë me përgatitjen e Mbledhjes së Përbashkët. Uroj megjithë zemër dhe kam besim se do të bëjmë plot punë të mira në dobi të të dy shteteve tona", shkruan Rama në Twitter.
Komente
Lajme të tjera
-
Kosova mbyll dy ndërmarrje publike serbe në veri
26 Dhjetor, 12:52 -
FOTO/ Mbrojtësi i Interit kalon Krishtlindjet në Gjakovë me të dashurën shqiptare
26 Dhjetor, 11:26 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Pjesëtari i forcave serbe dënohet me 15 vjet burg në mungesë për krime lufte në Kosovë! Çedomir Aksiq akuzohet për vrasjen e 8 shqiptarëve në Reçak
26 Dhjetor, 11:20 -
‘Giro d’Italia 2025’ nis nga Shqipëria, jehonë në mediat e huaja
26 Dhjetor, 08:14 -
Vuçiç: Sa të jem unë president, nuk do ta njoh kurrë Kosovën
25 Dhjetor, 21:43 -
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Berisha me gratë demokrate të LDG: Kjo është qeveria e Luciferit, 13 km rrugë për të vjedhur 14 herë! Ministret e Ramës pa forcë morale
25 Dhjetor, 19:13 -
Ben Andoni: PD-ja përballë protestave, por pa publikun?!
25 Dhjetor, 18:53
-
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52
Ju dy qeveritaret e Shqiperise etnike, andej e kendej Drini.Jeni te vecante e karizmatik aktual edhe ne rajon e me gjere ne Evrope.Por ama,kujdes nga veprmet inataqore,primitive e naive. keto tipare i kemi nga e kaluara.Mos mbani perkah te tjeret as "maqedoncat' e as serbet, kjo demton,si ne te kaluaren, teresine dhe fuqine e kombit tone. Vetem keshtu te bashkuar vellezerisht, ia dalim,vetem te bashkuar, dijme me sh ume, mundemi me shume dhe arrijme me shume.Shqiperia e shqiptarevet! Atdheu mbi te gjitha!
Përgjigju