Gjobitet me 2 mln lekë punishtja e përpunimit të qumështit në Shijak, i hidhte mbetjet në tokë bujqësore! Po pastrimi?

Foto ilustruese, ndotja në lumenj

IKMT vijon me njoftimet për procedim dhe gjoba për subjektet që ndotin mjedisin, por nuk jep asnjë informacion se kush do t'i pastrojë këto 'bomba' ekologjike.

Sot policia e Durrësit, njoftoi se pronari i një punishteje të përpunimit të qumështit është proceduar penalisht, ndërsa subjekti është gjobitur me 2 milionë lekë gjobë. Operacioni është zhvilluar në Gjepalaj të Shijakut nga Policia e Durrësit në bashkëpunim me IKMT, ku u konstatua se mbetjet e kësaj punishteje derdheshin në ambient të hapur (tokë bujqësore), duke shkaktuar ndotje.

Gjithashtu në ambientet pranë objektit u konstatua dhe një ndërtim i paligjshëm.  Ndërsa materialet i kaluan Prokurorisë së Rrethit Gjyqësor Durrës, për veprat penale "Ndotja e ajrit" dhe "Ndërtim pa leje".

Report Tv prej disa kohësh vazhdon që të ndjekë problemin e krijuar nga mbetjet urbane në lumenjtë e vendit. Sot gazetari i Report Tv Arsen Rusta ishte te ish-Fusha e Aviacionit, ku mbetjet kanë pushtuar lumin e Tiranës.

Situata është dramatike, landfill i hapur në natyrë, 'bombë ekologjike', një kërcënim real për qytetarët, ndërsa institucionet ende nuk i kanë 'parë'.

B.K./Shqiptarja.com
  • Sondazhi i ditës:

    BE heq kufizimet dhe pak raste ditore, a mendoni se mbaroi pandemia në Shqipëri?

Komento

Komente

  • bela: 03/06/2020 17:47

    10 fish te ishte gjoba...

    Përgjigju


×

Lajmi i fundit

John

Frrok Çupi në Repolitix: Berisha 'tirani' i fundit në Ballkan, pas Millosheviç dhe Izetbekoviç, prandaj është e vëmendshme Amerika