EUROPË - Që prej fillimit të pandemisë së koronavirusit, Europol ka identifikuar rritjen e hedhjes së paligjshme të mbetjeve spitalore COVID. Si pasojë, në bashkëpunim me autoritetet e 30 vendeve ka nisur operacionin Retrovirus ku ka kryer kontrolle në disa shtete. Oficerët kryen inspektime dhe kontrolle në impiantet dhe mjetet e transportit të mbetjeve sanitare, të cilat ishin vendimtare për trafikimin e paligjshëm, ruajtjen, hedhjen dhe transportimin e mbeturinave. Në kuadër të operacionit të koduar Retrovirus janë kryer 278.291 inspektime në Spanjë, Portugali, Çeki, Rumani, Sllovaki dhe Poloni ku janë arrestuar 102 persona.
Mësohet se nga ky operacion nuk është kryer asnjë inspektim në Shqipëri, por autoritetet vendase kanë marrë pjesë në operacionin në vendet e huaja. Janë marrë masa kundrejt 819 subjekteve dhe individëve teksa janë sekuestruar asete me vlerë deri në 800 mijë euro. Njësia mjedisore e Gardës Civile Spanjolle, SEPRONA (Guardia Civil) hetoi aktivitetet e një kompanie që vepron në Barcelonë, Madrid, Murcia, Valencia, Tarragona dhe Zaragosa. Kompania kishte lidhje me një organizatë tjetër që vepronte në Lisbonë, Portugali.
Oficerët spanjollë ushtruan kontrolle në 9 ambiente dhe arrestuan 20 persona për krime kundër mjedisit, të drejtave të punës dhe shëndetit publik. Mbeturinat sanitare, të mbledhura nga kompania, normalisht supozohet të sterilizohen në presion të lartë për të eleminuar të gjithë përbërësit e rrezikshëm. Për të rritur fitimet, kompania zvogëloi kohën e trajtimit. Kjo rezultoi që mbeturinat të mos jenë sterilizuar siç duhet përpara hedhjes, një trajtim ky që rrit rrezikun për shëndetin. Në Portugali, Garda Kombëtare e Republikës (Guarda Nacional Republicana) inspektoi më shumë se 2.000 kompani, spitale dhe qendra shëndetësore. Aktivitetet çuan në shkelje administrative, 30 arrestime dhe konfiskime të pasurive me vlerë gati 790.000 €.
Ndërkohë Europol është angazhuar në një tjetër opeacion të madh për identifikimin dhe bllokimin e domain-eve (adresave) të faqeve të internetit që shesin mallra të falsifikuara.
Këto krime kanë rritur shqetësimin e organeve europiane pasi kriminelët mund të përfitojnë para të mëdha duke fshirë gjurmët e tyre në internet në një periudhë të shkurtër kohe. Europol ka sekuestruar 21.910 emra domain-esh që ofrojnë falsifikime dhe artikuj pirate përmes internetit.
Produkte të tilla me vlerë më shumë se 2.5 milion euro janë sekuestruar, përfshirë produkte farmaceutike të falsifikuara dhe filma pirate, transmetim të paligjshëm të televizionit, muzikë, softuer dhe produkte të tjera false.
Autoritetet e 30 vendeve u përqendruan gjithashtu në transportin e mbetjeve sanitare në vende të ndryshme të Bashkimit Europian. Autoritetet nga Çekia, Polonia, Rumania dhe Sllovakia kontrolluan ngarkesat dhe identifikuan dërgesat e paligjshme, të cilat më pas u rikthyen në vendin e tyre të origjinës. Një trend tjetër i identifikuar gjatë operacionit ishte ndotja e mundshme e ujërave të mbetura urbane. Garda Civile Spanjolle filloi operacionin Arcovid për të hetuar trajtimet filtruese të ujit për ndotësit dhe praninë e mundshme të COVID-19.
Lajme të tjera
-
DYSHIMI/ Gazmend Bardhi gënjeu publikisht në Kuvend për bisedat SKY ECC! Lexon pjesë sikur janë të vitit 2023, por EUROPOL thotë se operacioni u bë më 2021
12 Shtator, 13:38 -
EUROPOL: Personi i arrestuar në Kosovë për para të falsifikuara, punonjës i MPB-së maqedonase
6 Gusht, 13:48 -
EUROPOL paralajmëron rritje të krimit të organizuar: Tregtia e drogës po nxit dhunën, situata është dramatike
20 Korrik, 17:07 -
Policia e Shtetit dhe Europol bien dakord për rritjen e bashkëpunimit dhe shkëmbimeve, në kuadër të përballjes me krimin e organizuar
12 Qershor, 18:59 -
EUROPOL megaoperacion në 6 shtete, ‘luftë’ grupeve shqiptare të kokainës dhe heroinës, 17 të arrestuar
8 Qershor, 21:40 -
Skandali me mbetjet spitalore/ 'Vale Recycling' pa pajisje, fitoi tender me spitalin e Beratit, me dokumente të një shoqërie tjetër! S’i asgjësoi dëmtoi mjedisin
7 Qershor, 12:15 -
Skandali me mbetjet spitalore/ Pronari i kompanisë mori 65 mln lekë tenderë për riciklim, por s’kishte pajisje
7 Qershor, 07:03 -
Raporti i Europol: Shqiptari kujdesej për importin e kokainës nga Kolumbia në BE! Droga kamuflohej në kompaninë e bananeve
5 Prill, 16:30 -
Europol: 821 banda kriminale kërcënojnë BE! Shqiptarët te pesë rrjetet kryesore të kokainës! 'Koka' të trafikut deri në Amerikën Latine
5 Prill, 15:22
-
'Hakeruam hakerat!' Lockbit, grupi rus më i rrezikshëm në botë në duart e FBI-së e agjentëve të krimit! Fitoi 120 milionë dollarë
21 Shkurt, 12:24 -
VIDEO+FOTO/ Goditet rrjeti që furnizonte me kokainë Evropën! Trafiku i drogës nga Kolumbia në Ekuador e më pas BE bëhej nga shqiptari Dritan Gjika
16 Shkurt, 11:41 -
VIDEO/ Operacion ndërkombëtar antidrogë në disa shtete, mes të arrestuarve 65 shqiptarë! Në Shqipëri sekuestrohen 5 mln euro pasuri (EMRAT)
5 Shkurt, 12:57
