Duke cituar shkrimin e ‘Forbes’ që e cilëson Tiranën si qytetin më të sigurtë në Evropë, ministri Fatmir Xhafaj publikon në Tëitter edhe statistikat e kriminalitetit. Përmes rrjetit social, ministri i Punëve të Brendshme shkruan se Lulzim Basha është paraardhësi i tij në detyrë, më i paaftë.

“Shpifje dhe e pavërtetë! Lulzim Basha, ish-ministri më i paaftë deklaroi se: “Krimi është më i fortë se kurrë, forcat e rendit dhe organet e ligjit janë më të shpartalluara, më të dobëta se kurrë” – shkruan Xhafaj në rrjetet sociale duke cituar kreun e PD. Sa i takon shifrave të vrasjeve në vitin 2010 kur Basha ishte ministër i Brendshëm dhe në 2017 e 2018, kur në këtë detyrë është Fatmir Xhafaj, rezulton se dy vitet e fundit ka pasur dy herë më pak vrasje se 8 vite më parë.

Xhafaj thekson se qeveria i ka shpallur luftë pa kompromis grupeve kriminale, të skeduara tashmë.

“Forca e Ligjit vepron e do të vazhdojë të shënojë rezultate, pa kompromis ndaj të gjitha grupeve kudo janë e çfarë janë. Shihni Tiranën, kyeqytetin tonë! E vërteta flet me shifra më shumë se me fjalë” .

Fatmir Xhafaj, ministër Brendshëm