POP 5

Lajmet më të lexuara të 5 minutave të fundit

Politikë

Lajme nga emisionet

‘Krimi shtetëror i madh, të dy palët të implikuara!' Ngjela për Report TV: Janë shumë dosje! Të gjitha përkthehen në anglisht se i do SHBA

Në një intervistë për Report TV Ngjela thotë se me mbështetjen edhe të SHBA-së, SPAK është në rrugë të mbarë për të goditur krimin e korrupsionin.

"SPAK ka nisur të lëvizë mirë por i duhen më shumë prokurorë dhe hetues për të luftuar krimin shtetëror" 

Ky është qëndrimi i avokat Spartak Ngjelës lidhur me aksionet që Prokuroria e Posaçme ka ndërmarrë. I fundit ishte dhe arrestimi biznesmenit shkodran Pëllumb Gjoka dhe zbulimi i lidhjeve që grupet kriminale kishin me zyrtarët e shtetit duke çuar në pranga dy drejtues policie si dhe kreun e prokurorisë së Kukësit.

E SPAK nuk ka një punë të lehtë pasi drejtësia në Shqipëri mungon që në 1992 kur në pushtet erdhi Sali Berisha.

“Shqipëria ka që nga 1992 që nuk ka pasur drejtësi. Në fillim u korruptua shteti i cili kërkonte ndihmën e gjykatës. Adminstirata e lartë e korruptuar korruptoi dhe gjykatën se i duhej. Reforma e drejtësisë që PD bëri në 1992 ishte plehuri juridike. Futi gjithë vjedhjen në drejtësi. Pse e bëri dhe kush ia kërkoi, forcat antishqiptare? Është detyrë e historisë të zbulohet” thotë Spartak Ngjela në një analizë për Report TV.

Tani ka ndryshim që kur ka dalë SPAK. Por krimi shtetëror është shumë i madh, thotë Ngjela, ndërsa SPAK është institucion i vogël dhe duhet ndihmuar.

“Maxhoranca? Vështirë është, janë të impolikuar në korrupsion të dyja palët. Një bankë dhe një shtet që nuk kontrollohet vidhen. Është aksiomë kjo. SPAK ka nisur të lëvizë mirë SPAK. Vë re që ka nisur të godasë krimin e organizuar. Nuk mund të godasësh korrupsionin nëse nuk godet krimin e organizuar. Korrupsioni nuk jeton dot nëse nuk ka me vete krimin e organizuar. SPAK nuk ka punë të vogël. I duhen më shumë prokurorë dhe hetues” vijon Ngjela

Më tej Ngjela është i bindur se SPAK  me mbështetjen edhe të SHBA-së është në rrugë të mbarë për të goditur krimin e korrupsionin.

“Me shenjat që po shohim ka nisur lëvizja normale dhe do të ketë vijimsi. Janë shumë dosje. E sipas të dhënave të mija duhet të përkthehen të gjitha në anglisht. Ekspertët ndërkombëtarë nuk ecin me dosje si të tonat. Të gjitha dosjet po përkthehen në anglisht që  ata të kuptojnë krimin dhe goditjen e tij. Të shohim nga shtatori si do të precipitojnë  ngjarjet. SPAK ka nisur të lëvizë por vështirësitë janë tek madhësia e instituiconit por dhe tek përkthimi.

”SPAK nuk mund ta niste dot djathtas sepse nuk e lë doktrina. Unë qeshja kur thoshin këta e drejton Rama. E nisi majtas. Nuk kishte mundësi ndryshe, pë doktrinën që thashë. Sepse drejtohet nga Washingtoni” tha Ngjela për gazetarin Nertil Agalliu.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Mergimtari: 03/08/2023 13:39

    O Taku,drejtesin ne Shqiperi e prishen ata qe ti thua sot po e ndreqin.Amerikanet kane qene ne "qoshe" si miq te vecante ne permbysjen e"diktatures" per te ndertuar shtetin qe kemi sot "demotakercita"

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

'Asnjë taksë për 10 vite!' Rama fton shqiptarët në Britani të investojnë në malet e Shqipërisë

24 Nëntor, 14:52