Kritika e huaj: Zëri i Ronës
nga një tjetër epokë

TIRANE- Menjëherë pas përfundimit të festivalit europian të këngës nisën kritikat nga mediat ndërkombëtare. Kësaj kritike nuk i munguan gjykimet lidhur me votimet që bëhen në rafshin gjeo-politik por edhe shume detaje lidhur me performuesit në skenë. Kësaj kritike nuk i ka shpëtuar as këngëtarja që përfaqësoi Shqipërinë në Eurosong Rona Nishliu. Lidhur me pikët që kënga e Shqipërisë mori, u komentua se ky është një sukses i Shqipërisë që ka bërë të mundur që në këto vite të ndërtojë marrëdhënie të mira me vendet fqinje, ndaj si pasojë e këtij fakti arriti që të marrë pikë mjaftueshëm për tu rënditur në vendin e pestë dhe vetëm me një pikë diferencë me vendin e katërt.

 Komentet më të shumta nga kritika për përfaqësimin e Shqipërisë në Eurovision shkuan për këngëtaren Rona Nishliu e cila u cilësua si një zë i fuqishëm që pretendoi me cdo kusht për ta fituar këtë kompeticion dhe që në 2013 ajo ta dërgonte këtë eveniment në vendin e saj me te gjithë forcën e zërit të saj. Ajo që u komentua më së shumti nga kritika europiane për Ronën ishte look-u i saj i veçantë. Zërat e kritikës u shprehën se, këngëtarja shqiptare dukej si mbretëresha e alienëve ndërsa zëri i saj sikur vinte nga një tjetër epokë por që mbarte të gjitha esencat e nevojshme artistike.

(sç/shqiptarja.com)