POP 5

Lajmet më të lexuara të 5 minutave të fundit

Ekonomi

Kriza e çmimeve ndikon bankat, rrisin kushtet për kreditimin e biznesit të vogël! BSH: Janë të pasigurta, dhanë më pak kredi

Kriza e çmimeve dhe pasiguritë në tregjet e huaja dhe vendase janë reflektuar menjëherë edhe në sektorin bankar, i cili ka shtrënguar kushtet për të dhënë kredi. Banka e Shqipërisë raporton se në tremujorin e parë të vitit standardet e kreditimit janë shtrënguar për biznesin e vogël, ndërkohë që bankat kanë miratuar më pak kërkesa për kredi

Menjëherë pas fillimit të krizës së çmimeve dhe pasigurisë që mbizotëron në tregjet e huaja dhe ato vendase, bankat kanë nisur mbrojtjen, duke shtrënguar kushtet e kreditimit.

Banka e Shqipërisë raporton se standardet e kreditimit në tremujorin e parë të këtij viti u shtrënguan për biznesin e vogël dhe të mesëm, për shkak se bankat ndjehen të rrezikuara nga situata ekonomike, dhe i druhen uljes së aftësisë paguese të këtyre bizneseve. Ndërkohë standardet e kreditimit nuk ndryshuan për segmentin e biznesit të madh. Sa i takon individëve kushtet janë lehtësuar.

Shtrëngimi i kushteve të kredisë ka bërë që bankat të japin më pak kredi, pavarësisht se kërkesa për hua ka qenë e lartë.

“Shtimi i pasigurive, si pasojë e ecurisë së çmimeve në tregjet ndërkombëtare e ato vendase, ka nxitur bankat të jenë disi më konservatore ndaj këtij segmenti të biznesit. Kujdesi i shtuar i bankave në kreditimin e bizneseve, u reflektua edhe në një shkallë më të ulët miratimi kredish në tremujorin e parë. Shtimi i kërkesës për kredi nga bizneset në tremujorin e parë të vitit, sipas gjykimit të bankave, u ndikua kryesisht nga nevojat më të larta për financimin e inventarëve dhe kapitalit qarkullues, për financimin e investimeve, si dhe për ristrukturimin e kompanive”, thuhet në raport.  

Po ashtu bankat kanë ulur edhe tolerancën ndaj kredidhënies për këtë segment të biznesit, për shkak të pasigurisë në çmime e tregje.

M.Q./Sh.Sh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56