POP 5

Lajmet më të lexuara të 5 minutave të fundit

Ekonomi

Kriza, efekti Greqi
trondit bizneset në Jug

Ekonomia e rajonit të Korçës po jeton në kushtet e një anemie të plotë. Në një rajon që ka lidhur raporte të ngushta të tregtisë e investimeve me qytetet fqinje në Greqi, 80% e sipërmarrjeve (të gjitha që bashkëpunonin me Greqinë apo ishin me kapital grek) janë realisht jashtë funksionit.
Kriza, efekti Greqi <br />trondit bizneset në Jug
Ekonomia e rajonit të Korçës po jeton në kushtet e një anemie të plotë. Në një rajon që ka lidhur raporte të ngushta të tregtisë e investimeve me qytetet fqinje në Greqi, 80% e sipërmarrjeve (të gjitha që bashkëpunonin me Greqinë apo ishin me kapital grek) janë realisht jashtë funksionit. Konsulenti Aurel Grabocka deklaron se “mund të thuhet pa frikë se 80% e ndërmarrjeve nuk po e ushtrojnë aktivitetin e tyre, pavarësisht se në zyrat e QKR-së ato rezultojnë aktive”. Sipas tij, shumë prej këtyre ndërmarrjeve nuk mund të fillojnë procedurat e mbylljes, për shkak të detyrimeve të prapambetura që kanë dhe paaftësisë për t’i shlyer. Ndërkohë, në Dhomën e Tregtisë së Gjirokastrës janë 30 kompani me kapital grek, të cilat janë regjistruar dhe aktualisht kanë tkurrje të aktivitetit. Tre vite më parë, 4 kompani që mbyllën dyert e dërguan në shtëpi qindra punëtorë, e bënë këtë vetëm përkohësisht, me shpresën që situata do të përmirësohej e porositë nga Greqia do të shtoheshin. Por lidhja e tyre, me kompani shtetërore greke (për prodhimin e veshjeve të ushtrisë e marinës) nuk solli asnjë dritë jeshile. Sipërmarrësit tregojnë se deri më tani janë zvarritur, ndërsa nuk paguanin dot as detyrimet për sigurimet shoqërore e shëndetësore të punëtorëve. Transmetimi i shpejtë i efekteve për vendin tonë, por edhe vende të tjera të rajonit të Ballkanit, theksohet edhe në një studim të BERZH-it të bërë publik javës së kaluar. Sipas studimit, efekti i krizës greke, por edhe i Bashkimit Europian në tërësi, u ndie shumë shpejt në vendet e rajonit të Ballkanit. “Plaga” e Greqisë tashmë ka dobësuar rritjen ekonomike të vendeve të saj fqinje. “Ndërsa pjesa më e madhe e vendeve të Europës Juglindore u rrit më shpejt vitin e kaluar, krahasuar me 2010-n, rimëkëmbja e tyre u kufizua nga presionet e krizës së Eurozonës dhe lidhjet e rajonit me ekonominë greke”, thuhet në raportin e BERZH-it.
(gk/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57