POP 5

Lajmet më të lexuara të 5 minutave të fundit

Ekonomi

Kriza financiare, CEZ anulon
mbledhjen e aksionerëve

Sipas burimeve të mirëinformuara nga kompania çeke e shpërndarjes së energjisë elektrike në vend, CEZ Shpërndarje ka shtyrë mbledhjen e jashtëzakonshme të aksionereve, e planifikuar për datën 20 prill. Shoqëria kishte njoftuar mbajtjen e mbledhjes së jashtëzakonshme për të diskutuar problemet shumë të mëdha financiare, si dhe për të marrë vendimet përkatëse për daljen nga kriza.
Kriza financiare, CEZ anulon <br />mbledhjen e aksionerëve
TIRANE - Sipas burimeve të mirëinformuara nga kompania çeke e shpërndarjes së energjisë elektrike në vend, CEZ Shpërndarje ka shtyrë mbledhjen e jashtëzakonshme të aksionereve, e planifikuar për datën 20 prill. Shoqëria kishte njoftuar mbajtjen e mbledhjes së jashtëzakonshme për të diskutuar problemet shumë të mëdha financiare, si dhe për të marrë vendimet përkatëse për daljen nga kriza. Vlerësohet se arsyeja kryesore e shtyrjes është diskutimi paraprak me qeverinë shqiptare, në kuadrin e negociatave të kryeministrit çek Neças me homologun e tij shqiptar Berisha, gjatë vizitës së tij në Tiranë.

Aksioner me 24% në këtë kompani është qeveria shqiptare. Në thirrjen e Asamblesë thuhej se kjo ishte bërë "duke marrë parasysh situatën kritike financiare të shoqërisë, të shkaktuar nga autoritetet dhe institucionet shqiptare".

Në rendin e ditës të mbledhjes përfshihej një informacion nga Bordi i Drejtorëve të CEZ Shpërndarje lidhur me humbjet e shoqërisë, të cilat, duke u bazuar në pasqyrat financiare për muajt janar dhe shkurt, veç atyre të vitit të kaluar, rezulton të kenë tejkaluar 50 për qind të kapitalit të regjistruar. Në këto kushte, vijonte njoftimi, kompania vlerëson se nuk ka më fonde për të siguruar pagesën e detyrimeve afatshkurtra ndaj palëve të treta (furnizuesit me energji nga importi), situatë kjo, e shkaktuar si pasojë e shkeljeve, nga autoritetet dhe institucionet shqiptare, mes të tjerash, të marrëveshjes së mbështetjes qeveritare, kuadrit rregullator dhe marrëveshjes rregullatore.

(gk/im/shqiptarja.com)

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

Këshilltari i Trump për sigurinë kombëtare: Ai është i shqetësuar nga përshkallëzimi i konfliktit mes Rusisë dhe Ukrainës

24 Nëntor, 22:57