Presidenti i Ukrainës ka dhënë reagimin e tij të parë ndaj raporteve nga Rusia se po tërheq disa nga trupat e saj nga kufiri. Në një intervistë për BBC, Voldymyr Zelensky thotë: "Të jem i sinqertë, ne reagojmë ndaj realitetit që kemi dhe nuk shohim ende ndonjë tërheqje. Sapo kemi dëgjuar për të."
Ai thotë se mendon se "të gjithë njerëzit normalë presin de-përshkallëzimin".
“Sa i përket kërcënimit, e kam thënë shumë herë se jemi të qetë për çdo kërcënim sepse kujtojmë se e gjithë kjo nuk ka nisur dje. Kjo ka shumë vite që po ndodh”, shton ai.
Po ashtu edhe Sekretari i Përgjithshëm i NATO-s, Jens Stoltenberg thotë se duket se Rusia po vazhdon të vendosë trupat e saj ushtarake në kufirin me Ukrainën, pavarësisht pretendimeve.
“Ne kemi dëgjuar shenja nga Moska për gatishmërinë për të vazhduar përpjekjet diplomatike, por deri më tani nuk kemi parë ndonjë de-përshkallëzimi në terren. Përkundrazi, duket se Rusia vazhdon ngritjen ushtarake. Ne do të vazhdojmë t'i përcjellim një mesazh shumë të qartë Rusisë se jemi të gatshëm të ulemi dhe të diskutojmë me ta, por në të njëjtën kohë jemi të përgatitur për më të keqen", tha ai.
Nga ana tjetër, duke i qëndruar deklaratave për tërheqjen e trupave, Rusia ka treguar shenja të zbutjes së toneve, teksa zëdhënësi i Kremlinit, Dmitry Peskov tha se është "pozitive" që presidenti amerikan Joe Biden dëshiron të vazhdojë bisedimet për krizën në Ukrainë.
“Është pozitive që edhe presidenti amerikan po vë në dukje gatishmërinë e tij për të nisur negociata serioze”, tha Peskov.
Komentet e Peskov erdhën vetëm disa orë pasi Biden mbajti një fjalim mbi situatën gjeopolitike që po luhet në Evropën Lindore.
Biden tha se ka "shumë hapësirë për diplomaci" me Rusinë që mund të shmangë një konflikt në Evropë dhe përcaktoi zonat ku Uashingtoni dhe Moska mund të vazhdojnë të bisedojnë.
Biden gjithashtu u bëri thirrje drejtpërdrejt qytetarëve rusë, duke u thënë atyre "ju nuk jeni armiku ynë". Kremlini i mirëpriti këto komente.
Të gjithë anëtarët e Këshillit Europian do të mblidhen ditën e nesërme në një takim për të diskutuar lidhur me zhvillimet më të fundit për situatën mes Ukrainës dhe Rusisë. Lajmi u dha nga zëdhënësi i KiE, Barend Leyts.Takimi i tyre pritet të zgjasë një orë dhe do të nis në 12.30 me orën lokale.
"Përpara takimit të nesërm të Këshillit të Europës, do të ketë një takim jozyrtar një orësh të anëtarëve të KiE në orën 12:30 (lokal) mbi gjendjen e zhvillimeve më të fundit në lidhje me Rusinë/Ukrainën,” tha zëdhënësi i Këshillit në një deklaratë.
Rusia do të insistojë që NATO të deklarojë publikisht se nuk do ta pranojë Ukrainën si anëtare. Qëndrimi është përsëritur sërish sot nga Konstantin Gavrilov, kreu i delegacionit rus në Organizatën për Siguri dhe Bashkëpunim në Evropë.
“Rusia do të insistojë që NATO të shpallë publikisht refuzimin për të pranuar Ukrainën në radhët e saj”, tha Gavrilov të mërkurën në seancën plenare të Forumit të OSBE-së për Bashkëpunimin e Sigurisë në Vjenë.
“Kiev, nga ana tjetër, duhet të shpallë statusin e tij neutral, të paangazhuar, siç parashikohet në Deklaratën mbi Sovranitetin Shtetëror të Ukrainës të 16 korrikut 1990”, shtoi Gavrilov.
Ndalimi i anëtarësimit të Ukrainës në Organizatën e Traktatit të Atlantikut të Veriut është një nga tre kërkesat kryesore të Rusisë ndaj SHBA-së dhe aleancës së NATO-s, së bashku me ndalimin e zgjerimit të mëtejshëm në lindje të aleancës dhe kthimin e infrastrukturës ushtarake të NATO-s në pozicionet e vitit 1997. Ukraina është e angazhuar përmes një amendamenti kushtetues për anëtarësimin në NATO.
Lajme të tjera
-
Biden dhe Trump qëndrime të forta lidhur me tarifat mbi mallrat kineze
18 Maj, 17:47 -
Presidenti rus i Dumës: BE shkel lirinë e shtypit dhe të shprehjes
18 Maj, 15:10 -
Vjosa Osmani takon Hillary Clinton, e falënderon për ndihmën e dhënë ndaj Kosovës
18 Maj, 12:27 -
Personi që sulmoi bashkëshortin e Nancy Pelosit dënohet me 30 vjet burg
18 Maj, 11:57 -
Raporti i ISW: Ndalimi i përdorimit të armëve perëndimore nga SHBA në Rusi, po dëmton mbrojtjen e Kievit
18 Maj, 11:14 -
Lufta në Ukrainë/ 10 mijë njerëz evakuohen nga rajoni i Kharkiv! Polonia jep 2 miliardë euro për të fortifikuar kufirin
18 Maj, 10:52 -
'Lufta e Yjeve' Arma sekrete e Putinit, që po tremb Amerikën, Kosmos-2553 mund të shkatërrojë satelitët amerikanë
16 Maj, 17:04 -
Lavrov: Plani i paqes i Kinës është më realisti
16 Maj, 14:14 -
Zelensky në Kharkiv: Situatë e vështirë, por nën kontroll
16 Maj, 12:36 -
Vladimir Putin mbërrin në Pekin, takohet me Xi Jinping: Kina dhe Rusia do të ruajnë drejtësinë në botë
16 Maj, 08:39 -
Biden-Trump, debate më 27 qershor dhe 10 shtator
16 Maj, 08:09 -
Mbyllen përkohësisht dy aeroporte në një rajon rus, pas një sulmi me dronë
15 Maj, 14:30
