Kriza në Maqedoni, opozita sërish
thirrje Presidentit për mandatin 

Kriza politike në Maqedoni thellohet nga dita në ditë, ndërsa LSDM ka përsëritur kërkesën ndaj Presidentit të Maqedonisë Ivanov që t’ia japë mandatin për formimin e qeverisë.
 
“Programi i qeverisë së re reformuese e garanton karakterin unitar të shtetit dhe siguron zhvillim dhe përparim të vendit, për këtë arsye Ivanov është i detyruar ta respektojë Kushtetutën, t’ia japë mandatin kryetarit Zaev, i cili siguroi 67 nënshkrime për formim të qeverisë dhe të mundësojë transferim të qetë të pushtetit”, thuhet në njoftimin për shtyp të LSDM-së.
 
Presidenti Ivanov dhe ish-kryeministri Gruevksi kanë kundërshtuar më forcë koalicionin e LSDM me BDI, pasi kushti i shqiptarëve është gjuha shqipe.
 
Një fakt i tillë ka bërë që Presidenti të  mos i japë mandatin opozitarit. 

dy.b/shqiptarja.com