POP 5

Lajmet më të lexuara të 5 minutave të fundit

Arkiva

Kriza, Parlamenti grek mbështet
  planin e reformave ekonomike

Parlamenti i Greqisë ka mbështetur paketën e qeverisë për reformat ekonomike që synojnë fundin e krizës së borxhit. Vendimi është marrë pas mbledhjes së Parlamentit grek gjatë orëve të para të mëngjesit, ku gjithashtu është kërkuar dhe sigurimi i një pakete të re.
ATHINE- Në një votim të zhvilluar natën vonë parlamenti grek aprovoi paketën e propozuar nga qeveria Tsipras për nxjerrjen e vendit nga kriza.
 
Pasi siguroi mbështetjen ndërpartiake, Tsipras u shpreh se ishte i vendosur për të përfunduar me sukses negociatat me kreditorët e Greqisë.
 
Megjithatë disa nga deputetët e partisë së tij , pavarësisht mbështetjes që i dhanë me votë, nuk ishin shumë të bindur për disa nga pikat e kësaj pakete.
 
Parlamenti grek votoi me 251 vota pro 32 vota kundër dhe vetëm 8 deputetë abstenuan. 9 deputetë përfshirë ish ministrin e financave Janis Varufakis nuk shin të pranishëm gjatë diskutimeve në Parlament.
 
Në mesin e anëtarëve të partisë SYRIZA që abstenuan ishte dhe ministri i energjisë Panajotis Lafazanis.
 
Pas takimeve të shumta në javët e fundit midis Tsipras dhe ministrave të eurozonës, e shtuna pritet të jetë vendimtare nëse Europa do të aprovojë apo jo paketën e propozuar nga qeveria greke për të filluar bisedime për një plan të tretë.
 
Propozimet e qeverisë Tsipras do të diskutohen nga ministrat e financës të eurozonës në takimin e radhës. Burime nga BE bëjnë me dije se Komisioni Evropion, Banka Qendrore dhe FMN besojnë se plani është pozitiv.
 
Zyrtarët e lartë të eurozonës pritet që të rishikojnë disa nga kërkesat e qeverisë greke, për disa detaje të borxhit.
 
Franca ka përshëndetur tashmë planet greke por një grup vendesh i drejtuar nga Gjermania ka dyshime serioze rreth paketës së propozuar nga qeveria Tsipras.
 
Kreu i qeverisë greke u ka kërkuar kreditorëve një shumë prej 53.5 miliardë eurosh, për të mbuluar borxhet e vendit deri në 2018.
 
Në një deklaratë pas votimit të paketës në parlament ai u shpreh se e tani është e rëndësishme që të arrihet një rezultat pozitiv në negociata.

Redaksia Online
(d.a/shqiptarja.com) 

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kryebashkiaku Beci: Vetëm Kir-Shosh e bllokuar për shkak të borës e dherave, shoferët të lëvizin vetëm me zinxhirë e goma dimërore në zonat malore

Kryebashkiaku Beci: Vetëm Kir-Shosh e bllokuar për shkak të borës e dherave, shoferët të lëvizin vetëm me zinxhirë e goma dimërore në zonat malore

12 Janar, 19:53