POP 5

Lajmet më të lexuara të 5 minutave të fundit

Sport

Krizë te Gjermania, lojtari shumë pranë largimit nga kombëtarja

Kampionët e botës në fuqi e kanë nisur keq aventurën e tyre në Rusi duke u mundur nga Meksika me rezultat 1 me 0. Fubollistët e kombëtares gjermane janë mbledhur sot së bashku me trajnerin për të folur mbi ndeshjen e ardhshme.
Krizë te Gjermania, lojtari shumë pranë largimit nga kombëtarja

Lojtari i Gjermanisë, Ozil

Kampionët e botës në fuqi e kanë nisur keq aventurën e tyre në Rusi duke u mundur nga Meksika me rezultat 1 me 0. Fubollistët e kombëtares gjermane janë mbledhur sot së bashku me trajnerin për të folur mbi ndeshjen e ardhshme.

Pas kësaj mbledhje ka qenë Manuel Nojer që flet për atë që u diskutua në këtë mbledhje. Më poshtë fjala e plotë e Nojer.

“Ne duam t’i bëjmë gjërat më mirë ndaj Suedisë”, tha portieri i Bayernit të Mynihut.

“Biseduam shumë. Ishim kritikët më të mëdhenj të vetes. Kjo ishte një thirrje për t’u zgjuar, nuk ka pasur kurrë fjalë aq të forta brenda ekipit”, vazhdoi gardiani i ‘Panzerave’.

“Trajneri e di se si është situata. Tashmë kemi vetëm finale. Duhet të tregojmë se çfarë na bëri aq të fortë. Por e dimë se duhet të bëjmë më mirë. Të gjithë kanë përgjegjësi, në veçanti lojtarët në mbrojtje”, shtoi Nojer.

Lëv ndërkaq, ka pranuar thirrje që ta largojë Ozilin nga ekipi i parë shkaku i paraqitjes zhgënjyese të tij ndaj Meksikës, ku mori kritika të shumta.

Në veçanti, ish-kapiteni i Gjermanisë, Lotar Mateus, ishte kritiku më i madh i Ozilit.

“Për një vit apo dy, Ozil ka luajtur shumë dobët dhe në një nivel që nuk i arsyetohet bileta falas e Jogi Lëv-it”, ka shkruar Mateus në kolumnen e tij për gazetën gjermane Bild.

“Me Ozilin në fushë shpesh kam ndjenjën se ai nuk ndihet rehat me fanellën gjermane, nuk ndihet i lirë, pothuajse nuk dëshiron të luajë. Nuk ka zemër, kënaqësi, apo pasion”, ka shkruar Mateus.

Një tjetër legjendë e futbollit gjerman, Stefan Efenberg, ka bërë thirrje që Ozil të largohet nga formacioni dhe të zëvendësohet me yllin e Borusia Dortmund, Marko Reus.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

Këlliçi në SPAK, Valteri: I implikuar edhe me bursa në call center! Do japë llogari, ishte aq i shqetësuar sa aludoi edhe ndarjen

26 Dhjetor, 23:06