Mirdita do të mbahet mend si një shkencëtar i rrallë, historian i devotshëm dhe njeri i madh i letrave shqipe.
Vepra e fundit e Mirditës, monografia shkencore “Dardanët dhe Dardania në Antikë”, u promovua më 14 mars në Institutin kroat të Historisë.
Zef Mirdita u lind në Prizren, më 13 mars të vitit 1936.
Në vitin 1966, punoi si profesor në gjimnaz, në shkollën e mesme të muzikës dhe në shkollën e mesme të mjekësisë.
Në vitin 1967 kaloi në Prishtinë, si asistent në Katedrën e Historisë, Dega e Historisë Antike, kurse në vitin 1972 doktoroi në Fakultetin Filozofik të Zagrebit, me temën “Dardanci i Dardanija u antici” (Dardanët dhe Dardania në Antikë).
Në vitin 1991 Mirdita u zgjodh anëtar me korrespondencë i Akademisë së Shkencave dhe Arteve të Kosovës.
Ka punuar si këshilltar shkencor në Institutin e Historisë të Kroacisë.
Përveç dhjetë librave në shqip, shqip-gjermanisht dhe në kroatisht, ka botuar në gjuhën shqipe, kroate, frënge, angleze, gjermane dhe italiane, në revistat shkencore të vendit dhe të huaja, mbi 100 studime, shqyrtime dhe punime – artikuj, recensione, kritika, shënime, polemika, etj., po ashtu përktheu disa libra nga kroatishtja në shqip dhe nga shqipja në kroatisht.
Në vitin 2004, Presidenti Mojsiu e dekoroi për kontributin e dhënë albanologjisë dhe për përfaqësim të denjë të komunitetit shqiptar në Republikën e Kroacisë.
Më 2005 u nderua me çmimin e Akademisë Kroate të Shkencave dhe Arteve, për librin “Vlasi u historiografiji”.
Me rastin e përvjetorit të tetë të shpalljes së pavarësisë së Kosovës, Presidentja e Republikës së Kosovës, Atifete Jahjaga, e ka dekoruar me Medaljen Presidenciale të Meritave.
Redaksia Online
(F.T/shqiptarja.com)
![](https://www.shqiptarja.com/template/img/sh_logo1.png)