Në Kroaci nesër mbahen zgjedhjet e përgjithshme, që disi kanë mbetur nën hijen e krizës së migrantëve, pasi më tepër se 300 mijë azilkërkues kanë kaluar nëpër këtë vend, prej gjysmës së shtatorit, në rrugën e tyre për në vendet e pasura të Evropës Perëndimore.
Ka vlerësime se nëse në zgjedhjet e nesërme fitojnë konservatorët, atëherë mund të ndërmerren masa tejet të ashpra kundër emigrantëve, që kalojnë nëpër Kroaci.
Opozita në Kroaci, Unioni Demokristian, që e udhëheq Koalicionin Patriotitk, i përbër prej nëntë partive, i ka akuzuar Socialdemokratët në qeveri se janë shumë të butë ndaj migrantëve.
![](https://shqiptarja.com/template/img/NO_ALFA_Kuadrate shqiptarja.png)
Unioni Demokrisitan ka kërkuar masa të ashpra, siç është angazhimi i ushtrisë dhe ndërtimi i mureve në kufirin me Serbinë, prej nga hyjnë pjesa më e madhe e migrantëve.
Redaksia Online
(e.m/shqiptarja.com)
![](https://www.shqiptarja.com/template/img/sh_logo1.png)