Kroacia rekord infektimesh me COVID-19, kryeministri: Të pavaksinuarit po përcaktojnë dinamikën e situatës epidemiologjike në vend

Kroacia rekord infektimesh me COVID-19, kryeministri: Të pavaksinuarit po përcaktojnë dinamikën e situatës epidemiologjike në vend

Foto ilustruese

KROACI- Ndërsa e gjithë bota po përjeton një valë të re të pandemisë, Kroacia është vendi ku shkalla e vaksinimit kundër COVID-19 është një nga më të ulëtat në Bashkimin Evropian.

Kryeministri i vendit, Andrej Plenkoviç, i shqetësuar lidhur me situatën epidemiologjike, varet kryesisht nga numri i personave të pavaksinuar.

“Situata epidemiologjike e valës së katërt përcaktohet kryesisht nga numri i të pavaksinuarve. Prandaj, të pavaksinuarit e përcaktojnë dinamikën e situatës epidemiologjike”, tha Plenkoviç.

Përmes fjalës së tij, ai tha se vaksina është mjeti i vetëm në “luftën” me pandemisë. Kryeministri kroat i ka bërë apel të gjithë qytetarëve të vaksinohen, ndërsa ka theksuar se çdo person i caktuar për të marrë dozën përforcuese duhet ta bëjë sa më shpejtë.

“Vaksina është masa më e mirë dhe më e sigurt në luftën kundër virusit, që kemi në dispozicion. Këtë herë i ftoj të gjithë ata që nuk janë vaksinuar të vaksinohen dhe ata që kanë kohë për dozën e tretë, ta marrin atë”, tha Plenkoviç.

Në Kroaci u regjistruan 6,310 raste të reja, një shifër rekord infektimesh, që nga fillimi i pandemisë. Në 324 orët e fundit, u raportua se humbën betejën me koronavirusin 32 persona.

Përveç Kroacisë, Ukraina, Sllovenia dhe Sllovakia, kanë raportuar një shifër rekord infektimesh nga virusi.

Situata epidemiologjike është vërtet alarmante në të gjithë botën, kjo edhe për shkak të shfaqjes së variantit më agresiv, delta. Duket se vaksinimi në shumë vende “ka ngecur”, ndërsa në të tjera ka filluar inokulimi i dozës së tretë.

Sipas ekspertëve kjo pabarazi në shpërndarjen e vaksinave, po dëmton arritjen e qëllimit, i cili është imuniteti i tufës.

J.GJ./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Sulmi në Moskë, Ankaraja: ISIS-K u ndihmua nga shërbimet sekrete

Sulmi në Moskë, Ankaraja: ISIS-K u ndihmua nga shërbimet sekrete