Krujë/ Kishte përshtatur tre ambiente për kultivim të lëndëve narkotike, në pranga 55-vjeçari! Sekuestrohen 208 fara kanabisi

Një 55-vjeçar është vënë në pranga nga policia e Krujës, pasi tentoi të kultivonte bimë narkotik ne disa ambiente të përshtatura, të cilat ishin furnizoheshin me lidhje të paligjshme të energjisë elektrike.

Në kuadër të fazës së 18-të operacionit policor antikanabis të koduar “Territor i pastër”, uniformat blu kanë konstatuar një rast të tentativës për të kultivuar bimë narkotike.

Një 55-vjeçari kishte përshtatur tre ambiente për kultivimin e bimëve narkotike, në afërsi të banesës së tij dhe kishte mundësuar furnizim me lidhje të paligjshme të energjisë elektrike.

Për pasojë është vënë në pranga 55-vjeçari me iniciale S. H. të cilit gjatë kontrollit në banesë iu gjetën 208 fara kanabisi të mbjella në kubikë, të cilat u sekuestruan nga policia.

Më herët, si rezultat i fazave të tjera të këtij megaoperacioni, janë gjetur dhe asgjësuar 9448 bimë të dyshuara narkotike kanabis.

Megaoperacioni policor antikanabis i koduar “Territor i pastër”, vijon.

Materialet procedurale i kaluan Prokurorisë Tiranë, për veprime të mëtejshme

M.T/KT/Shqiptarja.com

TAG:
• krujë
• Tirane
• kanabis