Kryebashkiakja e Gjirokastrës 'tradhton' LSI-në, shfaqet në krah të Ramës: Falenderoj qeverinë

Kryeministri Rama ishte sot në Gjirokastër, ndërsa zhvilloi një takim me qytetarët në kuadër të 'Llogaridhënies' për qeverisjen. Në takimin e sot, e pranishme në panel për të dëgjuar problemet e qytetarëve ishte edhe kryebashkiakja, Zamira Rami, e zgjedhur nga LSI tre vite më parë.

Prania e Ramit në panel duket e çuditshme, pasi vjen në një moment kur 'lufta' politike mes shumicës dhe opozitës është nxehur në maksimum, teksa pak ditë na ndajnë nga protesta që PD dhe LSI kanë paralajmëruar ditën e shtunë.

Madje, kryebashkiakja shkoi edhe më tej duke falënderuar qeverinë për financimin e projektit për tregun industrial në Gjirokastër.

Kujtojmë që nga LSI në drejtim të PS janë larguar shumë këshilltarë bashkiakë, ndërsa herë herës disa deputetë kanë thyer urdhrin e grupit të LSI duke qëndruar në parlament.

Megjithatë Rami nuk është kryebashkiakja e parë opozitare që ka qenë pjesë e takimeve për 'Llogaridhënien' që Rama ka zhvilluar, pasi po sot në Dropull, kryetari i zgjedhur nga PD, Ahile Deçka ishte pjesë e takimit në fshatin Grapsh.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Gege Kosova: 22/05/2018 09:54

    Nuk eshte kurfare "tradhetie", Perkunderazi, eshte respektim korrekt dhe shume i natyrshem i nje artisteje,per vlerat kombetare,morale e njerezore.

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet