Kryebashkiaku i Londrës ndjek live
koncertin e këngëtares shqiptare

Dua Lipa është padyshim një ndër këngëtaret më me famë në mbarë botë. Bukuroshja me origjinë shqiptare duket se ka tërhequr edhe vëmendjen e njerëzve me peshë në Britaninë e Madhe. Koncerti i saj është ndjekur dhe nga kryebashkiaku i Londrës, Sadiq Khan.

Lajmin e ka bërë të ditur vetë këngëtarja, e cila shkruan në ‘Instagram’ se diçka e tillë nuk ndodh shpesh. Duke publikuar një foto në krah të kryebashkiakut, Dua përcjell falënderim të veçantë për pjesëmarrjen e Khan, ndërsa edhe vetë ky i fundit ka postuar foton me këngëtaren.

“Nuk ndodh shpesh që kryebashkiaku i Londrës të marrë pjesë në koncerte. Faleminderit për pjesëmarrjen. Është një nder”, shkruan Dua Lipa.


(Dua Lipa në krah të kryebashkiakut Khan)

d.c./shqiptarja.com