Kryemadhi: Bizneset mbyllen përditë se kanë falimentuar, Rama s'ka çfarë taksash të ulë! Propaganda e neveritshme (VIDEO)

Kryetarja e LSI-së Monika Kryemadhi ka zhvilluar një takim me banorët dhe përfaqësues të biznesit, në rajonin numër 2 në Fier.

Kryemadhi tha se gjatë pandemisë kanë falimentuar 9 000 biznese, ndërsa shtoi se Rama është me oligarkët dhe jo me biznesin.

"Gjatë pandemisë, kanë falimentuar 9 mijë biznese. Dëmi i pandemisë ka qenë shumë i madh. Njerëzit janë në limite të mbijetesës. Rama miqtë e vet nuk i takson. Rama bën fasadë dhe propagandë, sidomos për biznesin. Njerëzit janë ata që vuajnë taksat e rënda. Formalizimi i biznesit nuk bëhet me kamxhik, por bëhet me bashkëpunim. Rama është bifteku, oligarkët janë kripa e Nusretit. Ata marrin çdo gjë që duhet të ishin para të shqiptarëve. Zotëria ka shkurtuar vende pune. Po ikin të gjithë, por se kjo gjë nuk duhet të ndodhë. Një ekonomi që zhvillohet, do paguajë edhe taksa", tha ajo.

LEXO EDHE:
Berisha nga ballkoni përdor vdekjen e 14-vjeçarit: Nesër nderojmë Martin Canin, të martën protestë në Tiranë! Rama dhunoi emigrantët në Londër

Deklaratat e kryeministrit Rama se taksat janë ulur, Kryemadhi i konsideron fasadë të neveritshme, ndërsa shton se kjo i ka falimentuar bizneset.

"Tani që po diskutonim ka thënë që nuk do ketë as ulje as ngritje taksash. Nuk ka ca të ngrejë më se ka falimentuar biznesi. Nuk ka çfarë biznesi të tatojë më për shkak se njerëzit janë në limitet e mbijetesës. Jo jo ato miqtë e vetë nuk i taton ai. Ata përkundrazi ua bën taksën zero. Mua më bëri përshtypje se po e dëgjoja ndërkohë që po vinim këtu te ju, po shikoja që në lajme dhe në portale që ministria e financës thoshte kishim një sistem kënetë taksimi dhe tani po e bëjmë karabinatë.

 Apo kishte rritjen e të ardhurave. Fasada dhe propaganda për mua është bërë e neveritshme dhe gjykatësit më të mirë të kësaj fasade janë qytetarët shqiptarë dhe sidomos biznesi sepse sado të flasim ne në TV janë njerëzit ata të cilët e vuajnë në kurrizin e tyre. Dhe sot nëse shqiptarët janë më mirë se 4 vite më parë. Nëse paguajnë më shumë ose më pak taksa se 4 vite më parë. Nëse energjia është më e shtrenjtë. Nëse shqiptarët humbasin vitet e punës atëherë e kuptojnë shumë mirë që propaganda është një neveri për qytetarët.

Është arroganca që njerëzit e qeverisë po krijojnë me qytetarët dhe biznesin. Një nga problemet më të mëdha që kemi ne sot është që bizneset sot edhe o vogël dhe i mesëm jo vetëm që  kanë taksa shumë më të larta por nuk e kanë shtetin partner në biznes përkundrazi e kanë armik. Janë në luftë me njëri tjetrin", shtoi ajo.

/b.ha./Shqiptarja.com

TAG:
• edi rama
• Fier
• monika kryemadhi
• bizneset
• zgjedhjet parlamentare 2021