Kryemadhi pas marrëveshjes për 'Zgjedhoren': Tashmë detyra e qeverisë për të integruar vendin në BE! U rrëzua alibia për 'refuzimin e opozitës'

Monika Kryemadhi

TIRANE- Kryetarja e Lëvizjes Socialiste për Integrim ka reaguar pas marrëveshjes së palëve për Reformën Zgjedhore. Përmes një statusi në rrjetet sociale, Kryemadhi shkuan se opozita sot mori përmbushi përgjegjësinë e saj përpara qytetarëve shqiptarë dhe se tashmë është detyra e qeverisë për të përmbushur integrimin në BE cila është edhe një nga 9 kushtet e vendosura nga Bundestagu Gjerman.

Ajo thekson se maxhoranca nuk ka më mundësi të përdorë alibi për të fajësuar refuzimin e opozitës për t'u ulur në tryezë, si pengesë për hapjen e negociatave.

"Integrimi Evropian i Shqipërisë nuk mund të sakrifikohet për asnjë arsye.

Gjithëpërfshirja dhe dialogu politik janë të vetmet rrugë me të cilat mund të realizojmë reformat e nevojshme për Shqipërinë dhe shqiptarët. Ndaj pa humbur kohë të miratojmë një reformë zgjedhore që u mundëson qytetarëve shqiptarë të drejtën për të zgjedhur të lirë, pa presionin e bandave, intimidimin me vendin e punës dhe nën kërcënimin e levave të pushtetit.

Opozita sot mori përgjegjësinë e saj përpara qytetarëve shqiptarë për të realizuar reformën zgjedhore, e cila është edhe një nga 9 kushtet e vendosura nga Bundestagu Gjerman për të bërë të mundur hapjen e negociatave në Samitin e Zagrebit. Kjo pikë ka qenë deri tani e vetmja alibi e pushtetit për të bërë bashkëpërgjegjëse opozitën për dështimet e saja në integrimin evropian të vendit.
Nga sot, pas dakordësisë së opozitës në unison, për të përmbyllur me konsesus dhe nën prezencën e faktorit ndërkombëtar Reformën Zgjedhore, i duhet Qeverisë dhe maxhorancës të tregojë se është e gatshme të mos mbajë më peng të ardhmen evropiane të Shqipërisë.
Nga sot është kjo maxhorancë që duhet të përmbyllë tetë pikat e tjera të kushteve mjaft të qarta të Bundestagut Gjerman.
Nga sot është kjo maxhorancë që duhet të heqë dorë nga bllokimi i ngritjes së Gjykatës Kushtetuese dhe Gjykatës së Lartë sipas Kushtetutës pa keqpërdorur mekanizmat e saja qorre në KED apo në Parlament.
Nga sot është përgjigjësia e kësaj maxhorance të bëhet gati për implementimin e Reformës zgjedhore që do të miratohet me konsesus.
Nga sot është përgjegjësia e kësaj maxhorance që të plotësojë kushtin e vënies para drejtësisë së vjedhësëve të votave, dosja 184 dhe 339.
Nga sot është përgjegjësi e maxhorancës të japë shembuj për luftën ndaj korrupsionit të saj. Dhjetra dosje të korrupsionit qeveritar janë në sirtaret e Prokurorisë.
Sot opozita, me marrjen e përgjegjësisë për të vetmin kusht që duhet kontributi i saj për të zhbllokuar integrimin në BE, tregoi që mbi interesat partiake apo llogaritë meskine elektorale vendos të parën të ardhmen e shqiptarëve.

Shqipëria është e para!
E ardhmja evropiane e saj është e para!"
, shkruan Kryemadhi.

m.v./Shqiptarja.com
  • Sondazhi i ditës:

    A jeni të kënaqur me punën që bëni?

Komento

Komente

  • Ua Ua: 14/01/2020 18:31

    Monik qe thonte me brek pa brek ne cizme pa cizme nuk ka zgjedhje me Edi Ramen hani hajdarin tani.,,

    Përgjigju
  • O tej: 14/01/2020 18:05

    Ti je...Lanes SPAKU. E pastaj macet te e Gjirit te Lalzit te dhjesin ne preherin tend...

    Përgjigju