Kryetarja e LSI-së, Monika Kryemadhi ka sulmuar sot Komisionin Hetimor për Inceneratorët, ku tha se kanë marrë vendim 'skandaloz' për të mos marrë në pyetje komisionin që vendosi për dhënien me koncesion të inceneratorit të Elbasanit.
Me një postim në Facebook, Kryemadhi shkruan se është qesharak arsyetimi për marrëveshjen me SPAK për ruajtjen e sekretit hetimor.
Sipas Kryemadhit, minimumi, Komisioni Parlamentar duhej të informohej nëse ka mbivendosje Komisioni Hetimor Parlamentar me SPAK. Po ashtu ajo kërkon transparencë, teksa thotë se duhet të bëhet publike marrëveshja e lidhur me SPAK.
"Skandaloze! Me urdhër politik, Komisioni Hetimor Parlamentar nuk u lejua të merrte në pyetje Komisionin e dhënies me Koncesion të inceneratorit të Elbasanit me arsyetimin qesharak: Marrëveshje me SPAK (për ruajtjen e sekretit hetimor). Minimumi, Komisioni Parlamentar duhej të informohej: A ka mbivendosje Komisioni Hetimor Parlamentar me SPAK? Nëse anëtarët e Komisionit kanë lidhur marrëveshje me SPAK, ku është marrëveshja??? Çfarë statusi kanë anëtarët e KOMISIONIT? A kanë të drejtë deputetët e Kuvendit të Shqipërisë të informohen nga SPAK kë duhet të marrin në pyetje dhe kë jo? Analiza e veprimtarisë apo deklaratat e z. Pëllumb Abeshi, si Kryetar i Komisionit të Dhënies me Koncesion, si dhe anëtarëve të tjerë të Komisionit, do të zbardhnin qartazi për publikun shkeljet e rënda proceduriale, që sipas Kryeministrit Rama nuk ekzistojnë. Kryetarja e Komisionit duhet të mos kishte lejuar në asnjë moment, heqjen e kamerave që siguronin transparencën për publikun", shkruan Kryemadhi.
Sipas Kryemadhit, ky Komision Hetimorë do të përfundojë thjesht me dëshmitarë që nuk dëshmojnë apo nuk do mbajnë mend se çfarë ka ndodhur. Kryemadhi inkurajon SPAK të hetojë teksa thotë se ajo është gati të dëshmojë me fakte e prova.
"Komisioni Hetimor me çfarë duket do të përfundojë thjesht me dëshmitarë që nuk dëshmojnë, apo që nuk do mbajnë mend, se çfarë ka ndodhur. Për Elbasanin, Fierin, Tiranën, topi tashmë është në fushën e SPAK! Inkurajoj çdo prokuror dhe gjyqtar, që ta shohin të vërtetën siç është, pa marrë parasysh funksionet apo përkatësitë politike të individëve nën hetim. Ndërkohë, siç e kam bërë në tre kallëzimet penale, shoqëruar me fakte, do vijoj të zbardh pa u ndalur të vërtetën si ka ndodhur, kush e ka lejuar, e kush po përfiton paratë e qytetarëve. Jam në dispozicion të çdo institucioni, për të dëshmuar me fakte, me prova, me zë e me figurë, të vërtetën e kësaj afere", përfundon ajo.
Ndërkohë, përtej akuzave të Kryemadhit, është njoftuar se ditën e sotme do të merren në pyetje Komisioni për dhënien e Koncesionit të Inceneratorit të Fierit, Kryetari i Bashkisë Elbasan Gledian Llatja, Kryetari i Qarkut Elbasan Bukurosh Stafa dhe administratorë te Inceneratorit te Fierit dhe drejtues të Agjencise se Prokurimit Publik.
Ditën e djeshme, në Komisionin Hetimor për iNceneratorët u morën në pyetje Administratori i shoqërisë "Intergrated Technology Servis" shpk Faraudin Arapi dhe Administratori i Shoqërisë "Albtek Energy" shpk Arjan Baci lidhur me inceneratorin e Elbasanit.
Kontrata e koncesionit me vlerë 21.6 milionë euro përfundoi në 16 dhjetor të 2021, dhe inceneratori duhet të kishte kaluar në pronësi të Bashkië së Elbasanit, por për shkak të hetimeve vijon të jetë nën sekuestron e SPAK. Lidhur me këtë cështje, SPAK ka vënë në pranga ish ministrin e Mjedisit Lefter Koka dhe ka shpallur në kërkim biznesmenin Klodian Zoto, pronar të kompanisë “Albtek Energy” që ka në zotërim inceneratorin e Elbasanit dhe Stela Gugalljan që zotëron kompaninë “Integrated Technology Services” që ka ndërtuar inceneratorin.
Lajme të tjera
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Puna e SPAK në 2024, Dervishi: Po u zbardh çka ndodhur me Ervis Martinajn bie piramida e krimit! Petraj: Si u privatizua CEZ do hap 'Kutinë e Pandorës'
25 Dhjetor, 18:54 -
Protesta/ PD kallëzon në SPAK dhe te Prokuroria e Tiranës ministrin Hoxha, kryepolicin Proda dhe zinxhirin komandues: Ushtruan dhunë! (DOKUMENTI)
24 Dhjetor, 16:59 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
I kallëzuar për 'shpërdorim detyre', shkarkoi drejtorin e UKSH në 2022! Ish-kryebashkiaku i PD në Shkodër, Bardh Spahia 1 orë në SPAK: S'ka lidhje me krimin, as korrupsionin (VIDEO)
24 Dhjetor, 09:54 -
Tjetërsimi i 66 mijë m2 tokë te Rana e Hedhun, Apeli i GJKKO dyfishon dënimin për ish-kryebashkiakun Frrokaj! Do kthehet në qeli, do vuajë 2,8 vite burg (VENDIMI)
23 Dhjetor, 14:15 -
Koncesioni i sterilizimit/ SPAK pranon kërkesën e GJKKO, rëndon akuzat për Beqajn, Rjepajn e Rrapajn! Avokatët kërkojnë kohë
23 Dhjetor, 10:59
-
Tiranë/ Akuzohet nga SPAK për deklarim të rremë, shtyhet përsëri seanca paraprake në GJKKO për Asllan Dogjanin! Solli raport mjekësor
23 Dhjetor, 10:13
-
Tiranë/ Për të dytën herë SPAK kërkon pushimin e çështjes për Selim Çekajn, akuza për përfshirje në trafik droge nuk vërtetohet! Gjykata shtyn vendimin
23 Dhjetor, 10:07
-
Adriatik Doçi: Deputetët e PD që kanë mbi 3 shtëpi me rrogë shteti, bie sfida e Berishës për Altin Dumanin
23 Dhjetor, 09:32
-
Simon Hadaj: Çfarë di Dumani që e tmerron Sali Berishën?
22 Dhjetor, 18:11
-
Mero Baze: Pse Flamur Noka po betohet se 'nuk merret peng'?
21 Dhjetor, 20:38
